InfoHub Logo

Almatyda ótetin 28-inshi qysqy Ýnıversıada oıyndaryna baılanysty, qaladaǵy 218 myń oqýshy kezekten tys demalatyn boldy, dep Bilim jáne ǵylym mınıstrliginiń baspasóz qyzmeti habarlaıdy.

«Almatyda sanaýly kúnderden keıin Dúnıejúzilik qysqy Olımpıada oıyndary bastalady. Ońtústik astana bul jarysqa jan-jaqty daıyndalyp jatyr. Daıyndyq bilim berý salasyn da syrt aınalyp ótpedi. Atap aıtsaq, Ýnıversıada oıyndaryna baılanysty Almaty qalasynyń oqýshylary úshin 30 qańtar men 8 aqpan aralyǵynda qosymsha demalys beriledi», - dep habarlady Bilim mınıstrliginiń baspasóz qyzmeti.

Bilim mınıstrlginiń baspasóz qyzmeti halyqaralyq jarystar kezinde osyndaı sharalar ózge elderde de qolǵa alynǵanyn habarlap otyr.  Demalysqa shyqqan oqýshylar dúnıejúzilik stýdentter jarysyn ózderi baryp tamashalaı alady, dedi baspasóz qyzmetiniń mamandary.

«Almaty qalalyq bilim basqarmasynyń habarlaýynsha, bul qosymsha kanıkýl Naýryz meıramy kúnderine áser etpeıdi.  Almatydaǵy oqýshylar Qazaqstannyń basqa oqýshylarymen birdeı 24 naýryz ben 1 sáýir aralyǵynda oqýshylar oqýyn jalǵastyryp, 1 sáýirde olarǵa toqsandyq baǵalar qoıylady. 4 sáýirde 4-shi toqsan bastalady»,-dep naqtylady derekkóz.

Habarlanyp otyrǵandaı, bul ózgeris Almatydaǵy joǵary oqý oryndary men kolejderdiń sabaqtar kestesine áser etpeıdi. Aıta keteıik, Almatyda 201 mektep bar, onda 218 myń oqýshy bilim alyp jatyr.

---