Jıi enedi túsime burynǵy aýyl,
Oınaq salyp, qulyn-taı qyrynda júr
Sútten bulaq aǵyzyp, sıyrly aýyl
İrkit ıisi keledi murynǵa bir
Oınamaı jaǵasynda quraqpenen,
Jalyǵyp ázer aqqan bulaq kórem
Mal óristen qaıtkanda keshke qaraı,
Jamyraǵan qozy men laq kórem.
Qyryq tútin shyǵady qyryq tamnan,
Qyryq torǵaı ushady shybyq, taldan
Qyryq áje kúzetip otyrady,
Qyryq uldyń orynyn sýyp qalǵan.
Qyr basyna qyryq shal jınalady
Bir-birine tartýy syı qabaǵy
Bir-birine otyrar basý aıtyp,
Qaıtesiń,- dep táńirdiń qımaǵanyn
Taýlarym da turady qalqan bolyp,
Sony kórip qalady arqam keńip
Óli uıqydan osylaı oıanamyn,
Oıanamyn, kóńilim talqan bolyp.

---