Kúndiz kóńil tynshymas, túnde kóńil,
Bári aıan:
Etken tirlik, súrgen ómir.
Túngi uıqymdy tórt bólip, mazalaǵan,
Kókeıimde, joldastar, birdeńe júr.
Birdeńe júr..,
Bilmeımin ne bolaryn,
He kelerin basyma, ne qonaryn.
Sý aıaǵy ńurdymnan oıymdy alyp,
Sý aıaǵy qurdymda doǵaramyn.
Birdeńe júr...
Bilmeımin ne bolaryn.
Joqqa júırik jetpeıdi,
Jetkizbeıdi!
Kim biledi, qý kóńil joqty izdeıdi.
Jolyn taýyp, joldastar, darıadan,
Jel qaıyqqa mingiz de, ótkiz meıli.
Sý aıaǵy qurdym ǵoı oı degeniń,
Qalaı ǵana qurdymǵa boı beremin!?
Áli talaı aldymda saltanat bar,
Áli talaı aldymda toı kóremin.
Men ómirge kelmegem kúdikpenen,
Úmitpenen engen em, úmitpenen.
Joq izdegen jandaıyn ázirge men,
Áıteýir júrip kelem, júrip kelem...

---