Júregime júk artyp júrgenimde,
Qajydyń ba, baıǵusym, bilmedim be?
Shaıpaý tıip, sharshatyp kim kóringen,
Ýlandyń ba, bilmeımin kirlediń be?
Bary aqıqat bir derttiń júregimde,
Dáriger-aý,arqalap júremin be?
Sorlaıtyndaı sonshama kim edim men,
Hege aıanysh atasyń ireńińnen?
Aıtyp óltir,qaıtesiń bosqa oılanyp,
Júrek derti ólimge bastaı ma anyq?
Adasam ba ómirden jastaı qalyp?
Et júregim kete me tasqa aınalyp?
Hege aıtpaısyń, turǵansha bosqa oılanyp.
Peri soqqan pendedeı esi jarym,
Tamyrymda týlaıdy esil aǵyn.
Bul júrektiń bilmeımin nesin aldym,
Nesi joǵyn bilmeımin, nesi baryn?
Qanym qaınap barady, qanym qaınap,
Bir amal tap, dáriger,halimdi oılap.
Alaýyrtqan aqynnyń qolyn baılap,
Áketpesin ajal kep, ólimge aıdap.
...Joq!
Dáriger!
Ornatpa basqa júrek!
Basqa lúpil jasama, basqa lep.
Qalaı aıtam, búlingen júregimdi,
Bildirmeı doǵdyr alyp tastady dep?!
Óńgerip ógeı júrek qaıda baram,
Ózgeniń ǵumyryn qalaı paıdalanam?
Syıyńa rahmet, qaıran adam!
Ózimniń júregimdeı qaıda maǵan?
Almastyram!?
Dediń-aý, almastyram!..
Sirá, meniń juldyzym janbas budan.
Ózimniń júregimdi jerlep kelip,
Ózgeniń ómirin qaıtip jalǵastyram?
Týla, Júrek!
Ókinem men nesine!?
Týǵan júrek,árıne,ólmesin be?
...Joq!
Dáriger!
Qozǵama,
damyldasyn,
Árbir júrek óziniń keýdesinde!

---