InfoHub Logo

2023 jylǵy 17 aqpanda Qazaq ulttyq agrarlyq zertteý ýnıversıtetiniń Basqarma Tóraǵasy – Rektory, QR UǴA akademıgi Aqylbek Kúrishbaev Kanadanyń Qazaqstan Respýblıkasyndaǵy elshisi Alan Hamsonmen kezdesti. Sondaı-aq, kezdesýge Kanada elshiliginiń saýda máseleleri jáne bıznesti damytý jónindegi aǵa keńesshisi Edýard Iýo qatysty.

Taraptar QazUAZÝ men Kanadanyń jetekshi ýnıversıtetteri, ǵylymı ortalyqtary men agrarlyq sektor kásiporyndary arasyndaǵy áriptestikti damytý máselelerin talqylady.

«Kanada jer sharynyń alys bir bóliginde bolsa da, sizdediń aımaqpen kóptegen uqsastyqtary bar. Mysaly, Kanada men Qazaqstannyń klımatynda óte jaqyndyq bar, aýmaqtary da úlken. Eki elde de iri tabıǵı resýrstar – gıdroenergetıka, aýylsharýashylyq áleýeti, paıdaly qazbalar bar. Sondaı-aq, bizdiń elimizde aýyl sharýashylyǵyna yqpaly zor damyǵan aqparattyq jáne komýnıkasıalyq tehnologıalar bar ekenin qosqym keledi», - dep atap ótti elshi Alan Hamson.

Óz kezeginde ýnıversıtet basshysy Aqylbek Kúrishbaev kanadalyq jetekshi joǵary oqý oryndary men kompanıalardy agronomıa, seleksıa, eginshilik, zooınjenerıa, veterınarıa jáne aýyl sharýashylyǵy salasynda ǵylymı zertteýler júrgizý salasynda birlesken bilim berý baǵdarlamalaryn ázirleýge jáne iske asyrýǵa shaqyrdy.

«Bizdiń elderimizdegi agrobıznes salasy jańa progresıvti tehnologıalardy paıdalaný bóliginde bilim berý salasynan ozyp ketkenin jáne ashyqtyq pen adal básekelestik jaǵdaıynda jyl saıyn damyp kele jatqanyn bilemiz. Osyǵan baılanysty, biz kanadalyq tehnologıalar men noý-haýdy qoldanatyn AÓK úshin kadrlardy maqsatty daıarlaý salasyndaǵy yntymaqtastyq áleýetin damytqymyz keledi. Mysaly, Saskachevana ýnıversıtetimen agronomıa boıynsha birlesken bilim berý baǵdarlamasyn ázirleýdi usynamyz», - dedi rektor Aqylbek Kúrishbaev.

Kanadadaǵy Saskachevana ýnıversıteti (UofS) álemdegi bıomedısınalyq ǵylymdar, jaratylystaný ǵylymdary, ınjenerıa jáne tehnologıalar, áleýmettik ǵylymdar jáne menejment salasyndaǵy úzdikterdiń qataryna kiredi.

Sonymen qatar, QazUAZÝ basshylyǵy tómendegideı máselelerdi iske asyrýdy usyndy:
- zooınjenerıa, genetıka jáne janýarlar seleksıasy boıynsha bilikti mamandardy daıarlaýǵa basa nazar aýdara otyryp, Kanadanyń jetekshi joǵary oqý oryndarynyń qatysýymen birlesken joba jasaý;
- Albert ýnıversıtetimen birlesip magıstranttar úshin «Ósimdikter týraly ǵylym» birlesken bilim berý baǵdarlamasyn ázirleý;
- «Bolashaq» halyqaralyq stıpendıalyq baǵdarlamasy boıynsha stýdentterdi taǵylymdamadan ótkizý jáne oqytý;
- jetekshi profesorlar men ǵalymdardy shaqyrýdy uıymdastyrý;
- JOOlar arasyndaǵy ózara is-qımyl jáne yntymaqtastyq tájirıbesin arttyrý, QazUAZÝ bazasynda AÓK salasynda Kanadanyń jetekshi ýnıversıtetiniń fılıalyn ashý múmkindikterin qarastyrý.

Kezdesý barysynda qonaqtar QazUAZÝ-men áriptestik pen yntymaqtastyqty damytýǵa joǵary qyzyǵýshylyq tanytty.

QazUAZÝ baspasóz qyzmeti

---