InfoHub Logo

«Á.Mahýtov atyndaǵy mektep-bóbekjaı keshen» KMM
Deffektolog maman
Ǵabıt Qarakózaıym

Úsh qasıet - keń kólemdi bilim, oılaı bilý jáne qaıyrymdylyq sezim- adamnyń shyn maǵynasyndaǵy bilimdi bolýy úshin qajet.

N.G. Chernyshevskıı

Adam balasy shyr etip dúnıe esigin ashyp, erjetkennen keıin, tulǵa bolyp qalyptasý úshin ómirden óz ornyn tabýy tıis. Hákim Abaı: «Sen de bir kirpish dúnıege ketigin tap ta bar qalan» - dedi emes pe? 

Bilim – teńiz, mektep – keme demekshi táýelsiz Qazaqstandy damyǵan, básekege qabiletti eldiń qatarynda terezesin teń etetin – bilim ekeni sózsiz. Memleketimizde ár balanyń bilim alýyna tolyq múmkindik jasalǵan. Alaıda bizdi alańdatatyny – erekshe bilim berýdi qajet etetin balalardyń kóbeıýi. Olardy qoǵamnan alastatýǵa bizdiń eshqandaı quqymyz joq. Kerisinshe, qatarlastarymen teń, birge damýyna, bilim alýyna kómek qolyn sozýymyz qajet. Ár pedagogtyń mindeti-oqýshynyń shyǵarmashylyq oıyna baǵyt berý, shyǵarmashylyq izdenisti qoldaý, júıeli zertteýlerge taldaý jasaýǵa talpynys berý. Pedagog-deffektolog retinde kelesideı jattyǵýlardy synap kórýdemiz:

Asyq oıyny balanyń jastaıynan oı-qabiletin shyńdap, dáldikke, eptilikke, shıraqtylyqqa, ustamdylyqqa, alǵyrlyqqa, syılystyqqa tárbıelegen. Asyq oıynynda únemi otyryp-turý, júreleı otyrý, tizeni jartylaı búgý, jıyrylý, shıryǵý jas balalardyń denesin shynyqtyryp, aıaq-qoldaǵy býyn aýrýlarynyń aldyn alady. Qazaqtyń bul ulttyq oıynyn sońǵy kezde balalar arasynan kórý qıyn bolyp bara jatyr ıakı umytylyp jatyr deýge bolady. Biz osy maqsattta asyqtyń ulttyq qundylyǵyn joǵarylatý ári erekshe balalarǵa erekshe áseri baryn anyqtap asyqpen jumys jasaý.

Qazaqtyń asqaqtyǵyn tanytatyn qundylyǵymyz – kıiz úı. Bul arqyly erekshe balalarymyzdyń elge, Otanǵa, jerge, ana men ákege jáne eń mańyzdysy, ózine degen súıispenshiligin arttyrý. Buny qalaı úıretemiz? Áýeli, kıiz úıdi, shańyraqty túsindirý barysynda onyń Otanymyzǵa tıesili ekenin, ishki álemin kórsete otyryp, ana men ákeniń meıirim sheksizdigin túsindiremiz dep oılaımyz. Al ózderi ony ustap kórip, jasap kórip ózine degen senimdiligin arttyratynyna senemiz. Tórt túlik pen ulttyq kıimder arqyly tanym-túsinigi damıdy. Qur-basqurdy ıaǵnı ishki jasaýyn ustap ózi jasaýyna yqpal ete otyryp qol motorıkasyn damytyp jáne kóńiline erekshe áser qaldyrady dep senemiz.

Dál osylaı qazaqtyǵymyzdy tanytatyn kishkentaı bolsa da maketter arqyly erekshe balalardyń bilim kókjıegin keńeıtýge  Siz de atsalysyńyz!

---