InfoHub Logo

Pavlodar qalasy,
"№126 sábıler - baqshasy" MQKK tárbıeshisi Týkenova Aıman

Taqyryby: "Kel, oınaıyq!"

Maqsaty: Balalarǵa ulttyq oıyndardy oınata otyryp, qazaq tili sabaǵyna kóńil aýdarý.
Mindetteri: Logıkalyq oılaý qabiletterin damytý, tez oılaýǵa baýlý. Ujymdyqqa, eptilikke tárbıeleý.

Kórnekiligi: Rebýstar, oıý - órnekter, ulttyq oıyndar.
Sabaq túri: Oıyn - sabaq.

Sabaq barysy:
Báıgege túsip jaryspaı,
Júıriktiń baǵy janar ma?
Bilim men óner jarysyp
Tárbıe, tálim tabar ma?
Bul báıge – oıdyń báıgesi.
Kim júırik oıǵa – sol alda – degendeı sabaǵymyz «jarys» oıyn túrinde ótilýi jáne eń ozyq oıly topty anyqtaımyz.

Búgingi oıynǵa eki top qatysady. «Kóbelekter» jáne «Qyzyl Telpek» toptary.
«Jarysta» ulttyq oıyndar, rebýstar, logıkalyq esep tapsyrmalar oryndalady.

- Olaı bolsa, jarysymyzdy bastaıyq.

1 - tapsyrma «Aıaqtalmaǵan maqal - mátelder»

 Otansyz adam, ormansyz.........(bulbul)
 Ata – aǵash, bala -........ (japyraq)
 Týǵan jerdeı jer bolmas.
Týǵan eldeı........ (el bolmas)

2 - tapsyrma «Han talapaı oıyny»

Jilikten shyqqan súıek,
Oınaımyz biz shertip.
Bárimizge tańsyq
Aty onyń – asyq.

(Asyqtar shashylyp nómirler boıynsha suraqqa jaýap beriledi)
1 - suraq. Qazir jyldyń qaı mezgili?
Qazir qys mezgili
2 - suraq. Balabaqshada kimder bar?
Balabaqshada balalar bar
3 - suraq. Búgin aptanyń qaı kúni?
Búgin sársenbi
4 - suraq. Bizdiń Otanymyz qandaı?
Bizdiń Otanymyz - Qazaqstan.

3 - tapsyrma Rebýs sheshkizý.
(balalar rebýsty sheship, shyqqan sózge baılanysty óleń oqıdy).
Birinshi rebýs: Alma, tyshqan, almurt - sýretteri.
(sózderdiń birinshi árpinen sóz shyǵarady: ATA..........)

Ekinshi rebýs: Átesh, japyraq, esik – ÁJE

Mýzykalyq úzilis. Án «Meniń Otanym»

4 - tapsyrma. «Teńge alý» oıyny
Sharty: Sheńber boıynsha teńge (sýret) qoıý. İshki jaǵynda leksıkalyq taqyryptarǵa qatysty sýretter. Balalar sheńber boıynsha án qımyldaryn kórsetip júredi, mýzyka toqtatylady. balalar teńge sýretin alyp - sózderdi qazaq tilinde ataıdy.

5 - tapsyrma: «Oıý - órnekter» qurastyrý.
Sharty: Tórt bólikke bólingen oıýdan bútindeı oıý shyǵarý kerek. Ol úshin tapsyrmany oryndaý kerek.
«Sóılem qurastyr» -
1 - top: "Balabaqsha" taqyryby boıynsha
- Balabaqsha úlken, jaryq, taza, ádemi. Balabaqsha eki qabatty. Men balabaqshada oınaımyn, tamaq ishemin, uıyqtaımyn.

2 - top: "Oıynshyqtar" taqyryby boıynsha.
- Mende oıynshyq qoıan bar. Oıynshyq qoıan ádemi, úlken, túsi aq.

Qımyl oıyn kezegi «Arqan tartý»

6 - tapsyrma. «Taı jarysy» oıyny
Sharty: Ár topqa eki tapsyrma beriledi.
1 - top: "Kókónisterdi jına"
2 - top; "Jemisterdi jına"

Qorytyndy: Balalardyń bilimin baǵalaý. Madaqtaý. Qoshtasý.