InfoHub Logo

Fızıka zańdylyqtary men ınformatıka negizderi (Saıys sabaq)
Taqyryby: «Tapqyr dostar»
Saıys maqsaty: Eki pándi biriktire otyryp, oqýshylardyń tez oılaýyn jáne osy kezge deıin ótken taqyryptaryna baılanysty oı shertý. Eske túsirý barysynda suraqqa jaýap alý. Pánaralyq baılanysty nyǵaıtý.
Ádisi: taldaý, suraq – jaýap, oı qozǵaý.
Kórnekiligi: slaıd,

Saıystyń barysy: İ. Uıymdastyrý bólimi.
İİ. Ár týrlar boıynsha suraq – jaýap.
İİİ. Saıysty qorytyndylaý.
İ. Uıymdastyrý bólimi.
Sálemetsizder me? Búgin ótkeli otyrǵan «Tapqyr dostar» atty keshke barshańyzda qosh keldińizder!!! Búgingi oıynǵa eki top qatysady. Olar: «Tapqyrlar» men « Alǵyrlar» toby. Oıyndy bastaý úshin eki uıashyq beriledi, sony top basshylary tańdaý kerek. 1 nomeri shyqqan top birinshi bastaıdy.

Muǵalim sózi: Halyqqa jar salaıyq,
Fızıkany túsinip bir alaıyq,
Informatıka tilinde
Búgingi kesh tórinde
Suraq – jaýap aıtysyp,
Shabyt tasyp, shalqysyp,
Kóńildi kesh jasaıyq,
Máreden bir asaıyq!

Endigi kezek aldarymyzda turǵan 7abvg klass oqýshylaryna óz komandalarynyń attaryn tańdaýǵa jáne kapıtan saılaýyna erik bereıik.
Komandalar óz attaryn saılasa, kezekti búgingi keshti sheshetin ádilqazy alqalaryn saılap alaıyq.
Endeshe bári daıyn bolsa, búgingi keshtiń josparymen tanystyryp keteıin!
İ týr.
«Bilgir bolsań, taýyp kór» dep atalady. (Munda 1 - shi komandaǵa 5 suraq fızıkadan, 2 - shi komandaǵa 5 suraq ınformatıkadan qoıylady, upaıdy ádilqazylar sheshedi).
İİ týr.
«Júırik bolsań, shaýyp kór» dep atalady. (Munda ár komandaǵa eki suraqtan beriledi, 1 suraq fızıkadan, 1 suraq ınformatıkadan. 5 mınýt ishinde komandalar óz jaýaptaryn berýge komanda kapıtany shyǵyp aıtady. Upaıdy ádilqazylar sheshedi).
İİİ týr.
«Oıly bolsań, ozyp kór» dep atalady. (Munda ár komandaǵa fızıkadan 3 jumbaq, ınformatıkadan 3 jumbaq jasyrylady. Tapqan jaýaptary boıynsha anyqtamasyn nemese túsindirip berýi tıis. Upaıdy ádilqazylar sheshedi).
IV týr.
«Myqty bolsań, jeńip kór» dep atalady. (Munda 20, 30, 40 upaıdan turatyn suraqtar qoıylady, upaı sáıkesti qoıylady, ony ádilqazylar qadaǵalap otyrady).
Y týr
« Bile bilseń aıtyp kór» dep atalady. Taqtada segiz uıashyq berilgen. Uıashyqtardyń sanynyń ósýine qaraı tapsyrmalar da kúrdelene beredi. Tapsyrmany oryndaǵan oqýshy sol uıashyq balyn óz tobyna qosady. Bir uıashyqta tosyn syı bar.
Yİ týr
«suraǵyma jaýap ber» dep atalady (eki topqa da bes suraqtan qoıylady)

Bári túsinikti bolsa, bastaıyq! İske sát!!!

İ týr. «Bilgir bolsań, taýyp kór» suraqtary:
1 topqa fızıkadan:
1. Tabıǵat qubylystaryna mysal keltir? (Muzdyń erýi, sýdyń qaınaýy, jylý, jaryq t. b.).
2. Fızıka neni zertteıdi? (Tabıǵattaǵy qubylystardyń ózara baılanystaryn zertteıdi. «Fúzıs» - tabıǵat).
3. Astronomıa neni zertteıdi? (Aspan deneleri týraly ǵylym. «Astron» - juldyz, «nomos» - zań).
4. Tabıǵatty zertteýdiń qandaı tásilderi bar? (Baqylaý, eksperıment, fızıkalyq teorıa).
5. Fızıkalyq shamany ólsheý degenimiz ne? (Ony ólshem birlik retinde alynǵan birtekti basqa bir shamamen salystyrý).

2topqa ınformatıkadan:
1. Kompúter degenimiz ne? (Aqparattyq prosesterdi júzege asyratyn negizgi qural).
2. Aqparat sózi neni bildiredi? (latynnyń information sózinen – túsindirý, baıandaý, bilý).
3. Aqparat múmkindikteri? (alý, jiberý, óńdeý, saqtaý).
4. Kompúterdiń negizgi jáne qosymsha qurylǵylaryn atańyzdar? (júıelik blok, monıtor, pernetaqta; kolonka, mıkrofon, prınter, skaner, veb - kamera jáne t. b.).
5. Skaner degenimiz ne? (qaǵazdaǵy keskindi túsirip, dıspleı ekranyna shyǵarýǵa múmkindik beretin qural).