Kem bolyp jaralǵam joq men eshkimnen,
Keıbireýge qaryzdar emespin men.
Peıilimdi teńizben talastyryp,
Terezemdi aspanmen teńestirem.
Dosqa syıyn, zaharyn shashar jaýǵa,
Qaryzdarmyn halqyma qashannan da.
Qabyrǵasy qaıysyp qart ájemniń,
Qalaı turam, kózine jas alǵanda.
Qaıǵy tússe basyna bir aǵanyń,
Qalaı ǵana shydap men tura alamyn.
Jasyn súrtip solardyń, birge jylap,
Birge kúlip solarmen, jubanamyn.
Estı tura shyrylyn jas balanys,
Qalaı ǵana alshańdap, mastanamyn.
...Tik kóterip sábıdi ýatpasam,
Sábı-halqym, saǵan men masqaramyn.
Sábı-halqym, saryla syr aqtaram,
Jalǵan oı, jasyryn kúı jyraq maǵan.
Seniń úniń mendegi, seniń jyryń,
Seniń oıyń sanamda turaqtaǵan.

---