Keıime, inim,
Sen tartqan muńdy men emgem,
Ketkenmin sosyn,
Ózimdi-ózim jebeýmen.
Anamyz jomart,
Babamyz jomart degenmen,
Jylamaı jatsaq,
Jarylqap, emshek berer me.
Keıime, inim,
Kezdesken muńǵa alǵashqy,
Kesirli shaqtyń bolmasyn tile aldy ashshy.
Qyp-qyzyl shoqtan sýyryp alyp zergerler,
Salmaı ma sýǵa sertke ustar semser-almasty.
Keıime, inim,
Keremet kúnder aldyńda.
Kemsine berme,
Kerenaý tartsa, taǵdyrǵa.
Súrinip ketseń, qarǵyp tur qaıta, daıarlan
Kedergilerden ekinshi ret qarǵýǵa.
Kelipsiń inim,
Keńesip qaıttyń kóktemde.
Keıitpes edim,
Bolmady bılik tek mende.
Julmalap, tonaı, qaldyryp meni shetkerige,
Jymysqy-ýaıym jylysyp saǵan jetken be?!

---