InfoHub Logo

Abylaı qalmaqtyń hany Ýsa-Zereń degendi shabady, Abylaıdyń qoly hannyń eki qyzyn alyp ketedi. Sonda qyzdardyń sheshesi artynan qýyp jetip Abylaıǵa bylaı deıdi: «Sizdiń qolyńyzdyń ishinde eki qyzym ketip barady, sol eki qyzymdy tapsyraıyn dep edim», — deıdi. «Bul eki qyzymnyń birinen batyr týýshy edi, birinen áýlıe týýshy edi. Bireýin óziń al, bireýin óziń qatar jaqsy dosyńa ber», — depti. Sol qyzdyń bireýinen Qasym týady. Ekinshisi bireýin Abylaı Gereı-Qýrman batyrǵa beredi, onan keıin Kenesarynyń qozǵalysyna qatysqan Maral týady.

Naýryzbaı Jappastyń elin shaýyp, túnde sol eldiń birinde jatqanda, Jappastyń batyry Janǵabyl Tólegenuly kelip túnde jatqan adamdardyń qarýyn alyp, uıyqtap jatqan adamdardyń toqsan adamyn óltiredi. Sonyń ishinde Naýryzbaıdyń dos batyry Baıtabyndy jalańash qarýsyz jatqanda, sorǵa qamap óltiredi. Qazir sol jerdi «Baıtabyn sory» dep ataıdy. Kenesary qalǵan qolmen aman shyǵady. Sol joly aldyn orap qýǵan jaýdyń Naýryzbaı jeteýin naızalap óltirip ketken, sonyń bireýi Kókir degen batyr, Álmembet bıdiń balasy (ákesi bes Jappasty bılegen).

Oqýǵa keńes beremiz:

Jalbyr batyr (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---