InfoHub Logo

Boıdan qýat qaıtyp, ábden sharshaǵan sátte tabıǵattyń ózinen aǵzamyzǵa paıda keltirip, boıymyzǵa kúsh-qýat toltyra alamyz. Dastarhanyńyzdaǵy taǵamdaryńyzǵa tabıǵı qýattandyrǵyshtardy qosatyn kez keldi.

Energetıkalyq sýsyndar, kofe jáne basqa da aǵzamyzdy sergitetin sýsyndardyń áseri jyldam bolady da, kerisinshe bizdi qýatymyzdan tolyqtaı aıyrady. Onda qajý men sharshaýdan azaptanbas úshin ne isteý kerek? Jamandyqtyń túp-tamyry ádettegideı durys tamaqtanbaýda. Boıymyzdaǵy kúsh-qýat túgesilgende tek qana tabıǵat anamyzdyń ózinen aǵzamyzǵa paıda keltiretin kúsh-qýat ala alamyz. Endeshe, óz rasıonymyzǵa jańasha nár bereıik – ıaǵnı, bizge kúsh-qýat darytatyn, jaqsy kóńil kúı syılaıtyn tabıǵı ónimderdi tutynaıyq.

Eleýterekokk

Eleýterekoke ósimdiginiń tabıǵı sergitkish shárbat, kapsýla jáne tabletkalary kez kelgen dárihanada qol jetimdi baǵada satylady. Tańerteń ishseńiz aǵzańyzdy kofedeı sergitip jiberedi. Oǵan qosa ony kúızeliste, júıke tozǵanda ishýdi usynamyz. Bul shóp aǵzany qorshaǵan orta agresıasyna qarsy turýǵa, sonymen qatar shydamdy bolýǵa óz septigin tıgizedi.

Kók shaı 

Kádimgi kók shaı – aǵzanyń belsendiligi men tonýsyn arttyrýda taptyrmas qural. Tańerteń bul sýsynnan bir kese ishseńiz dárýmender men mıkroelementterge baıyp qalasyz. Sonymen qatar boıyńyzdaǵy zat almasý prosesin belsendi júrgizedi de kúni boıy sergek júretin bolasyz. Eger de siz barynsha kóp áser alǵyńyz kelse, shaıdy erejege saı demdeńiz.

Sermene (lımonnık)

Sermene dánderiniń tunbasy dárihanalarda satylady. Ony jumysqa qabiletsizdikte, sharshaǵanda jáne júıke juqarǵanda qabyldaıdy. Sermene japyraqtarynan daıyndalǵan shaıdy iship te dál sondaı áser ala alasyz. Ol úshin qaınaǵan sýdy úgitilgen japyraqqa quısańyz jetkilikti. Mundaı sýsynnyń nátıjesi aıtarlyqtaı uzaq áser etedi, ıaǵnı zeıinińizdi, jalpy tonýsyńyzdy jáne jumysqa qabilettiligińizdi arttyrady.

Zimbir (ımbır)

Zimbir – qan aınalymdy jáne aǵzadaǵy zat almasýdy jaqsartatyn ósimdik. Onyń arqasynda mıymyz jaqsyraq jumys isteıdi de, boıymyzdaǵy kúsh qýattyń artqanyn sezemiz. Zimbirden daıyndalǵan shaılardyń eń jaqsysy ol – lımon men bal qosylǵan túri. Sonymen qatar, zimbirden energetıkalyq smýzı sýsynyn daıarlaı alasyz.

Qyzylkúreń (ehınaseıa)

Qyzylkúreń gúlshoǵyry erekshe emdik qasıetterge ıe. Bul ósimdik ımýndyq júıeni nyǵaıtady jáne aǵzamyzǵa vırýsqa qarsy, qabynýǵa qarsy jáne ýytsyzdandyrǵysh retinde qabyldanady.
Dárihanalarda tabletka, tunba jáne demdeýge arnalǵan qurǵaq túrleri satylady. Qospanyń júıke júıesiniń qozýynda basý úshin, este saqtaý qabiletin arttyrý úshin jáne tonýsty kóterý úshin paıdasy zor.

Sıtrýstar

Sıtrýstardyń lımon bolsyn, apelsın nemese greıpfrýt bolsyn, barlyǵy derlik S dárýmenine baı.
Tańǵy asqa ishilgen balǵyn apelsın shyryny nemese sıtrýsty smýzı (negizgi tańǵy as retinde bolsa da) - kúnińizdiń jaqsy bastalyp, jumysqa degen qabiletińizdi arttyratyn tamasha ádis ekenine kúmándanbańyz.   

Adamtamyr (jenshen)

Kez kelgen dárihanadan adamtamyr tunbasyn taba alasyz. Bul tunba eń kúshti energetık jáne ımýndyq júıeniń stımýlátory bolyp sanalady (ıaǵnı, ózińizdi jaısyz sezingende osy dárilik shópti eske túsirý kerek degen sóz).
Bul dárilik shópti mıǵa jáne denege kóp kúsh túskende, júıkeniń tozýy men juqarýynda qabyldaýdy usynylady. Adamtamyr sizdi kúızeliske tózimdi jáne kez kelgen júktemege qarsy turýǵa daıyndaıdy.

Chıa dánderi

Paıdaly qasıetteri jaıynda sheksiz aıtýǵa bolatyn chıa dánderi keremet tabıǵı energetık bolyp sanalady.  Jasunyq pen omega-3 maıly qyshqyldardan bólek, bul ónim kóńil-kúıdiń kóterilýine septigin tıgizedi jáne aǵzadaǵy qabynýdy azaıtady.

Shaıqýraı (zveroboı)

Shaıqýraı tunbasy – kúızeliske qarsy tynyshtandyrǵysh áseri bar ósimdik. Ol kóńil kúıdi kóteredi, uıqyny rettep, psıhıkalyq jáne fızıkalyq jumys isteý qabilettiligin arttyrady. Eger de siz kúsh-qýatyńyzdyń azaıyp, qys mezgilindegi kúızelisten sharshaǵan bolsańyz, shaıqýraı shaıyn iship kórińiz. Mundaı sýsynnyń áseri uzaq bolmaq. Bir aıdan soń ózińizdi sergek sezinetin bolasyz.

Shyrǵanaq

Shyrǵanaq – sibirlik sergektik pen jaqsy kóńil kúıdiń jıdegi. Onyń quramynda qýanysh gormony serotonın, kóp mólsherde S dárýmeni, beta-karotonın, jáne kóp qanyqpaǵan maı qyshqyldary bar. Sonymen qatar kózge paıdaly.
Bul sýperfýdty barlyq taǵamdarǵa qosýǵa bolady.

---