Iek artqan teńizge múıisteıin,
Kelshi, qarǵam, shashyńnan ıiskeıin?
Iiskeıin tek qana, tıispeıin,
Kelshi, qarǵam, shashyńnan ıiskeıin?
Qolań qara shashyń-aı kún qaqtaǵan!
Qos burym-aı jotanda bulǵaqtaǵan!
Qarǵam, sende jerimniń ıisi bar-aý,
Jer ıisi jupardan qymbat maǵan!
Iisi bar-aý dánniń de, shalǵynnyń da,
Qyrdyń da, qyrmannyń da, jańbyrdyń da,
Tur, sirá, myna shashta ıisi ańqyp
Aptaptyń, ańyzaqtyń, tandyrdyń da.
Shashyńnan ıisketshi, qarǵam, maǵan?
Esime túser me eken arman-dalam.
Iisketshi?
Jaýqazyn-jan ekensiń;
Jasandy ásemdikke aldanbaǵan.
Turǵam joq saýǵa suraý qylyǵyńnan,
Jan edim mahabbattyń quryǵy urǵan.
Iiskeıin jurtymnyń topyraǵyn,
Iisket, qarǵam, maǵan burymyńnan?

---