Kezekshi synyptaǵy balalar qashyqtan oqýǵa kóshirile me
QR Densaýlyq saqtaý vıse-mınıstri Ajar Ǵınıat kezekshi synyptaǵy balalardy qashyqtan oqytýǵa kóshirý múmkindigine qatysty aıtty.
«Bastaýysh synyptar mektepke (kezekshi synyptarǵa) ata-analardyń ótinishimen barǵan bolatyn. Qazir balalar mektepterde sanıtarlyq talaptarǵa sáıkes oqyp jatyr. Aýamen taralatyn ınfeksıa bolǵandyqtan (koronavırýs), balalar arasynda osy indet baıqalýda. Eger synyp ishinde bir bala aýyrǵan bolsa, tutas synyp karantınge jabylady», — dedi Ajar Ǵınıat Ortalyq komýnıkasıalar qyzmetindegi baspasóz máslıhatynda.
Sonymen qatar vıse-mınıstr balalar birinshi toqsandy kezekshi synyptarda oqýdy jalǵastyratynyn atap ótti.
«Qazir birinshi toqsannyń aıaqtalýyna bir aı ýaqyt qalǵandyqtan, balalardyń birinshi toqsandy bitirýin kútip otyrmyz. Sodan keıin epıdemıologıalyq jaǵdaıǵa baılanysty tıisti sheshim qabyldanady», — dedi vıse-mınıstr.
Budan buryn habarlanǵandaı, Ajar Ǵınıat mektep oqýshylary arasynda koronavırýs juqtyrý jaǵdaıyna qatysty túsinik berdi.
You Might Also Like
-
Elimizdegi, ásirese, dúbirli oqıǵalar tusynda qozyp kete beretin patrıottyq sezimimdi qaıda qoıarǵa bilmeı, alasuryp júrgende, qudaı ózi sátin salǵan bir oqıǵa boldy. Kúndegi ýaqytta, kúndegi ádetim...
-
Búgin Bilim jáne ǵylym mınıstri Ashat Aı̆maǵambetov «Úzdik pedagog-2020» baı̆qaýynyń jeńimpazdaryn marapattady.
