InfoHub Logo

Búgin Bilim jáne ǵylym mınıstri Ashat Aı̆maǵambetov «Úzdik pedagog-2020» baı̆qaýynyń jeńimpazdaryn marapattady.

«Sizderdi tól merekelerińizben quttyqtaımyn! «Adamnyń adamshylyǵy jaqsy ustazdan» dep uly Abaı aıtqandaı, eń basty maman ol - ustaz. Óıtkeni, ustaz barlyq mamandy tárbıeleıdi, bárine bilim beredi. Búginde memleketimizde ustazdardyń mártbesin kóterý, olarǵatıisti jaǵdaı jasaý úshin úlken is-sharalar bastalyp, júzege asyrylýda. Ózderińiz bilesizder, Elbasy Nursultan Nazarbaevtyń salıqaly, sarabdal saıasatynyń aıasynda elimizde bilim salasyn damytýǵa zor kóńil bólinip, aýyz toltyryp aıtarlyq jetistikterge qol jetkizdik. Qazirgi ýaqytta el Prezıdenti Qasym-Jomart Toqaev bilim salasyna erekshe nazar aýdaryp, jýyrdaǵy Joldaýynda da osy máselege úlken kóńil bóldi», - dedi mınıstr shara barysynda.

Onyń aıtýynsha, bıyl 1 qańtardan bastap muǵalimderdiń jalaqysy 25 paıyzǵa artty. Jalpy 1-2 jyldyń ishinde ustazdardyń jalaqysy 2 ese artatyn bolady.

«Búgin ustazdarymyz úshin tıisti jaǵdaı jasaýymyz kerek. Ol úshin keshendi jumys júrgizilip jatyr. Pedagogtardyń mártebesi týraly arnaıy Zań qabyldandy. Sol Zańnyń aıasynda 70-ten astam buıryq pen qaýly qabyldanyp, qoldanysqa engizildi. Óte úlken problemalar boldy. Ony bilemiz. Qaǵazbastylyq problema bolǵany belgili. Buǵan qosa,muǵalim mamandyǵyn tańdaıtyn jaqsy túlekter az edi. Muǵalimderdiń qyzmetine tán emes jumystarǵa tartý problemasy da boldy. Osy máselelerdi sheshý úshin el Prezıdentiniń tapsyrmasy aıasynda keshendi jumystar iske asyryldy», - dedi ol.

Ashat Aımaǵambetovtiń atap ótýinshe, Ulttyq biryńǵaı testileýdiń nátıjesinde bıyl «Altyn belgi» alǵan túlekterdiń ishinde muǵalim mamandyǵyn tańdaǵandar 2 ese ósti. 1 qyrkúıekten bastap pedagog mamandyǵy boıynsha bilim alyp júrgen stýdentterdiń shákirtaqysy 26 myńnan 42 myńge deıin artty.

Shara barysynda Bilim jáne ǵylym mınıstri Ashat Aı̆maǵambetov «Úzdik pedagog-2020» baı̆qaýynyń jeńimpazdaryna 2 778 000 teńge (1000 AEK) kóleminde syı̆aqymen men tósbelgilerdi tabystady.

---