InfoHub Logo

Qazdaýysty Qazybektiń tapqyrlyǵy men sheshendigin óz qulaǵymen estip, kóz jetkizigisi kelgen bir bilgir adam oǵan: Kim jaqyn? Ne qymbat? Ne qıyn? degen úsh suraqty qatarynan qoısa kerek. Sonda Qazybek bı oǵan bylaı dep jaýap qaıyrǵan eken desedi:

Aqylshy bolsa, apaıyń jaqyn.
Baýyrmal bolsa iniń jaqyn,
Inabatty bolsa, keliniń jaqyn.
Aldyńa tartqan adal asyn,
Qımas jaqyn – qaryndasyń.
Sybaılas bolsa, naǵashyń jaqyn.
Adal bolsa, dosyń jaqyn.
Erkeleıtin nemereń jaqyn,
Óz urpaǵyń - shóbereń jaqyn.
Jan serigiń jas kezińnen
Bárinen de áıeliń jaqyn....

Altyn uıań – otanyń qymbat,
Qut berekeń – atań qymbat,
Meıirimdi anań qymbat,
Asqar taýyń – ákeń qymbat,
Týyp ósken eliń qymbat,
Uıat pen ar qymbat,
Óziń súıgen jar qymbat...

Aradan shyqqan jaý qıyn,
Taýsylmaıtyn daý qıyn,
Shanyshqylaǵan sóz qıyn,
Dál osyndaı jaǵdaıda,
Pana bolmas óz úıiń.
Jazylmasa dert qıyn,
İske aspaǵan sert qıyn.
Aqylyńnan adasyp,
Óziń túsken ór qıyn,
Tentek bolsa ul qıyn,
Ne isterińdi bile almaı
Ashıdy sonda bos mıyń.

---