InfoHub Logo

Sabaqtyń taqyryby: «Kim júırik?»
Sabaqtyń maqsaty: Ata - analar men balalardy saıysqa qatystyra otryp, olardyń halyq aýyz ádebıeti, salt - dástúri týraly bilimderin baıqaý. Án - bı qol óner tárizdi halyqtyq ónerden habardarlyǵyn anyqtaý. Otbasy – Otannyń bir bólshegi ekendigin uǵyndyryp, oqýshylardy yntymaq pen birlikke, tatýlyq pen uıymshyldyqqa tárbıeleý.
Ádisi: Ata - analar men balalardan qurylǵan komandalar arasyndaǵy saıys túrinde ótedi.
Kórnekiligi: QR - nyń rámizderi, Otan, otbasy, yntymaq, birlik týraly maqal - mátelder jazylǵan plakattar.
Sabaqtyń barysy:
Júrgizýshi: Atamyz qazaq «Bala adamnyń baýyr eti», «Balaly úı bazar» deıdi. Óıtkeni bala ómirdiń jalǵasy, Otbasynyń jemis berer gúli. Otbasy búkil qoǵamnyń negizi. Balanyń bolashaqta jaqsy azamat bolyp ósýi, jan - jaqty tárbıeli bolýy otbasynda beriletin ulttyq tárbıege tikeleı baılanysty. Búgingi «Kim júırik?» atty saıysyna eki otbasy qatysyp otyrsyn. Endigi kezekte biz osy otbasylardyń ónerlerin baǵalaıtyn qazylar alqasyn taǵaıyndap alaıyq.
Toptarynyń aty: 1 - «Birlik», 2 -«Yntymaq»
Endi olaı bolsa búgingi saıystyń bólimderimen tanysaıyq.
1. Tanystyrý
2. Kúldirgi jumbaq
3. Jarnama
4. Ne isteýge bolmaıdy?(suraq - jaýap)
5. Kim jyldam?
1. Shardy jarý
2. Ine sabaqtaý
3. Qapshyqpen sekirý
4. Asyq atý
5. Arqan tartý
Mine búgingi bizdiń «Kim júırik?» atty saıysymyzdyń jospary.
Endeshe tórt kózimiz túgel bolsaq, saıysymyzdy bastasaq
Saıyskerler kelip jetti tanysýǵa
Sypyrdy tomaǵasyn osy duǵa
Qyzyp kelgen qyrandaı keriltedi
Ádeppen, izetpen degendeı 1 bólim. Tanystyrýǵa kezek bersek. Qatynasyp otyrǵan komandalar óz quramdaryn tanystyryp ótse. Kelesi kezekti Jarnamaǵa beremiz. Úıden daıyndalyp kelgen taǵamdy jarnamalaý.
Endigi kezekte saıysqa qatynasyp otyrǵan saıyskerlerimizdiń bilim deńgeıin baıqaý úshin Kúldirgi jumbaqtar bólimine kezek bersek:
1. Kim barlyq tilde sóıleıdi?
(Jańǵyryq)
2. Tyshqan aýlaǵyshty 5 árippen qalaı jazýǵa bolady?
(Mysyq)
3. Dúnıedegi eń shapshań nárse ne?
(Oı - qıal)
4. Eger túngi saǵat 12 - de jańbyr jaýsa munan soń 72 saǵattan keıin kún ashylyp, shýaq túsedi me?
(Joq, bul tún mezgili)
5. Qandaı kezde aspan jerden tómen turady?
(Aspan sýreti sýdan kóringen kezde)
6. Qandaı bóshkege sý quıýǵa bolmaıdy?
(İshi toly bóshkege)
7. Úsh túıe qus ushyp kele jatty, ańshy olardyń birin atyp aldy, nesheýi qaldy?
(Túıe qus ushpaıdy)
8. Qosarlanyp jegilgen at 1 saǵat ishinde 12 km jol júredi, osy ýaqyttyń ishinde bir at qansha jol júrip tur?
(12 km)
9. Qandaı úsh sannyń kóbeıtindisi onyń qosyndysyna teń?
(1, 2, 3)
10. Ne nárse seniń menshigiń? biraq ony seniń ózińnen kóri basqalar kóbirek aıtady?
(Seniń esimiń)

3 - bólim. Ne isteýge bolmaıdy??
«Jalǵastyr» oıyny arqyly shapshań ún qatýlaryńyz kerek
1 - topqa

1. Úlkender...
2. Beıýaqytta...
3. Aýyzdy...
4. Esikti...
5. Qatty daýys...
2 - topqa
1. Úlkender...
2. Analardy...
3. Qateligińdi...
4. Dosqa...
5. Úlkenderdiń

4 - bólim. «Kim jyldam?». Bul bólimde ata - analarmen balalardyń sporttyq shapshańdyǵyn baıqaımyz.
1. Shardy jarý
2. Ine sabaqtaý
3. Qapshyqpen sekirý
4. Asyq atý
5. Arqan tartý

Saıys sońy:
Minekeı biz búgingi saıysymyzdyń máresine jetken sekildimiz, endigi kezekti qazylar alqasyna bersek.
Jeńiske jetken komandalardy baǵalap, syılyqtaryn tartý etsin!