InfoHub Logo

Almaty oblysy Qarasaı aýdany
Kókózek aýylyndaǵy orta mektebi 11-synyp oqýshysy
Slambaı Qymbat Qýanyshqyzy

XXI ǵasyrdaǵy jastar arasynda kitap oqý qanshalyqty dárejede tur? Iá, bul saýal kez-kelgen adamdy oılandyrary sózsiz. Alaıda, tartynshaqtyqqa tap bolyp jatamyz. Kitap degenimiz – rýhanı azyq emes pe?! Sol kitap eń birinshi bolyp adam balasynyń alǵa qaraı qadam basýyna, bıik belester men adamgershiliktiń shyńyna kóterilýge sheksiz aqyl qosady. Kitap – seniń ustazyń. Ol jaqsy men jamannyń, aqıqat pen jalǵannyń aıyrmashylyǵyn taýyp, olardy ajyrata bilýge úıretedi. Alǵa durys jol kórsetedi.

Al qazirgi jastarymyz kitap oqýǵa qanshalyqty qumar? Áli de bolsa qajettiligin túsindi me? Osy tusta oqyrmandarymyz ekige bólinip shyǵary haq. Alǵashqysy, kitaphanaǵa baryp, baspadan shyqqanyn tosyp, boıaýy keppegen kitaptyń ıisin ıiskeı otyryp ony sezine oqıdy. Al ekinshileri, áleýmettik jelilerden ne bolmasa, elektrondyq nusqasyn oqyǵandy jón kóredi. Bul árıne, uzaq saparǵa shyqqan kezde kitaphanaǵa barǵanǵa ýaqyt tapshy bolatyndarǵa taptyrmas múmkindik. Árkim ár jerden oqysa da, kitaptyń berer azyǵy azaımaıdy. Lev Tolstoı: "Jaqsy kitap oqý – aqyldy adammen syrlasqanmen birdeı" – degen eken. Jalpy aıtqanda, kitap – dosyń da, aqylshyń da bola bilmek. Ol – qumarlyq, adamdy tárbıeleı biletin qural. Búgingi tańda kitaptyń, kitap oqýdyń barlyq jaǵynan paıdasyn kórip otyrmyz. Al osy úshin adamzat balasynyń kitapqa degen súıispenshiligi men oǵan qaryzdary qansha?! Orys halqynyń uly jazýshysy M. Gorkıı aıtqan sózi eske eriksiz oralady. Ol aıtady: «Men boıymdaǵy barlyq jaqsylyǵym úshin kitapqa qaryzdarmyn» dep. Endeshe, ómirlik azyq etýde qolǵa kitap alý qaı kezde de kesh emes. Ásirese búgingi jastarymyz, bilimqumar azamattarymyz úshin berik qalqan. Kitap oqý arqyly ózińdi de ózgeni de tárbıeleısiń. Ol biz úshin ólsheýsiz aqyl qosatyn ári kóshbasshylyq qasıetti arttyratyn ustazymyz.

Sózimniń salmaǵy bolsa, estir qulaqqa esti sóz aıttym dep bilemin. Zamanyna qaraı adamy. İzdegenniń aldynan izdemeı-aq tabylary da anyq. Endeshe, jatyp, jastana oqyr jastarymyz kóbeısin. Elimizdiń eńsesin kóterer esti azamattarymyz tarıhymyzdy tanyp, tilimiz ben dinimizdi qasıet tutsa eken demekshimin. Tamyrymyzdy taýyp, qadirimizdi arttyratyn da kitap bolmaq. Endeshe, jan azyǵymyzdy tek kitaptan izdeıik!

---