InfoHub Logo

Atyraý oblysy, Isataı aýdany,
Zıneden selosy, Iý.Gagarın atyndaǵy orta mektebiniń
bastaýysh synyp muǵalimi
Rahatova Samal Rahatqyzy

Taqyryby: Kitap – rýhanı qazyna
Maqsaty: Oqýshylardy oqýlyqty qurmetteı bilýge, kitapty uqypty ustaýǵa baýlý. Oqýshynyń bilimdilik tanymyn ómirmen baılanystyra otyryp arttyrý. Oqýshylardyń kitapqa degen súıispenshiligin arttyrý.

Kórnekiligi: Kitaptar kórmesi, naqyl sózder.
Júrý barysy
Muǵalim: Qurmetti ustazdar jáne oqýshylar! Búgingi «Kitap – rýhanı qazyna» atty tárbıe saǵatyn A.Baıtursynulynyń myna óleńimen bastaǵaly turmyn.
Balalar, bul jol basy danalyqqa
Kelińder, oqyp baıqap qaralyq ta.
Bul jolmen bara jatqan ózińdeı kóp,
Danalyq – óshpes jaryq, ketpes baılyq
Júrińder izdep, taýyp alalyq ta!
«Kitap – ǵalym, tilsiz muǵalim» dep tegin aıtylmaǵan ǵoı. Búgingi ádebı keshimiz bárimizdi bilimdi, ónerli bolýǵa tárbıelep, talaı ǵajaıyp isterdiń qupıasyn ashýǵa kómektesetin aqyldyń keni – kitapqa arnalady.

Kitap – ǵylym, ol búkil adam balasyna ortaq. Kitap – ǵylym, bilim jemisin halyq arasyna jaıýshy, taratýshy. Kitap – aqyldyń keni. Kitap – bar bilimniń bastaýy, bar ǵylymnyń bastaýy. Kitap – barlyq zamanda da bilim qazynasynyń ǵajaıyp qoımasy. Óz betimen kitap oqyp, onyń kómegimen úzdik bilim alǵan, sóıtip ataqty ǵalym bolǵan adamdarda dúnıe júzinde az emes.

Mysaly, qazaqtyń uly aqyny Abaı Qunanbaıuly óz bilimin óz betimen izdenýiniń, kitapty kóp oqýynyń arqasynda jetildiredi ári birneshe tildi meńgeredi, aldyńǵy qatarly oıshyldardyń eńbekterimen tanysady. Al M.Gorkıı bolsa «Men óz boıymdaǵy barlyq jaqsylyǵym úshin aldymen kitapqa boryshtymyn» degen. Mundaı mysaldardy kóptep keltirýge bolady.

- Balalar, kitap qalaı jasalady?
- Alǵashqy kitap baspasy aǵashtan jasalady.
- Tuńǵysh qazaq kitaby qaı jyly shyqty?
- Tuńǵysh qazaq kitaptar 1800 jyly shyǵaryla bastady.

Kitap: - Oı, bárekeldi! Ózderiń meniń tarıhymdy jaqsy biledi ekensińder. Men adamnyń dosymyn. Meniń atym – kitap. Meni jasaý úshin adam balasy kóp eńbek sińirdi. Aldymen adam ormannan aǵash kesedi. Ony fabrıkaǵa aparady. Sodan soń oǵan avtorlar jazady, sýretter salady. Baspahana jazýlar men sýretterdi basyp, kitap etip shyǵarady. Jumysshylar mashına men poezdarǵa tıep aýyl-aýylǵa, qala-qalaǵa taratady. Mine, men endi seniń qasyńda turmyn. Meni kútip, jyrtpaı usta. Men seniń senimdi dosyńmyn!

Uljan: Turady basyn qurap árip neden,
Bastalǵan bilim basy Álippeden
Qarasaq shalqar teńiz, túpsiz muhıt
Oqysaq kitap syryn ashyp tereń
Nurtilek: Kitapty oqymaıdy, syılamaǵan,
Bilimge janyn janyp qınamaǵan.
Ósirgen kimniń bolsyn oı-órisin,
Sol kitap bek aqylshy kúnde maǵan.
Aıdana: Túlekti tárbıeler kitap – mektep,
Ósedi sol kitaptan butaq kóktep.
Molaıtyp aqylyńdy san eselep,
Beredi bilim nárin kitap kóktep.
Ádilet: Kitaptar beıne japyraq,
Jyrlaıtyn syryn ómirdiń
Oqısyń keıde jattap,
Kóterip kúıin kóńildiń.
Móldir: Aıdyn shalqar keıde bir,
Kitapty tunǵan kól dersiń,
Aýadaı qajet beıne bir,
Tappasań nárin shóldersiń.

Muǵalim: - Qazaq dalasynda mektep salǵan, qazaq balalaryna arnap «Álippe» jazǵan kim?
Bári: - Ybyraı Altynsarın.
- Onyń balalarǵa arnap jazǵan óleńi qalaı atalady?
- «Kel, balalar, oqylyq!»
Án: «Analarǵa» oryndaıtyn - Altynbekuly Ádilet.
Bı: «Ózbek bıi» bıleıtin - Qadirbekqyzy Dana
Gúlaına: Kitap!
Sóılesip ózińmenen til qatady,
Eriksiz sózin jurtqa tyńdatady.
Jetkizip ótkenderdiń ósıetin,
Sheshilip keıde dostaı syrlasady.
Dana: Kitap!
Aqyldyń sónbeıtuǵyn shamshyraǵy,
Bilimniń sarqylmaıtyn bal bulaǵy.
Ashqanda-aq ótken kúnmen betterińdi,
Keler kún kóz aldyma kep turady.

Án: «Ákeshime» oryndaıtyn - Suńǵatqyzy Gúlaına.
Kórinis: «Kitaptar muńy»
Bı: «Aqqý bıi» bıleıtin - Bekbolatqyzy Aıdana

Jandarbek: Adamnyń dosy kitap, ómir kilti,
Teń kelmes oǵan jıǵan dúnıe-múlki.
Aqylshy, janǵa serik, jol bastaýshy,
Asyl oı, qazynasy, ómir kórki.
Laýra: Kitabyń – seniń quralyń
Jaǵar bilim shyraǵyń
Basa almaısyń eshqashan,
Onsyz alǵa bir adym.
Zúlfına: Elimizde ataqty
Ǵalym ata ne tapty
Bárin - bárin kóripti
Oqı bergen kitapty.
Bilim alar kóp adam,
Jaqsy nárse joq odan,
Qyzyǵa kep oqımyn
Kitap kórsem jańadan
Kórinis:
«Naýqas kitap»

Muǵalim:
Kitaptar da adam sıaqty, aýyryp qalýy múmkin. Aýyrǵan jaǵdaıda olardy emdeý qajet. Sol úshin de kitaptarda aıalap ustaýymyz qajet.

Endi ortaǵa kitaphanashy apaıdy shaqyraıyq.
(Ol oqýshylarǵa kitaphana erejesin tanystyrady).

Muǵalim: «Kim tapqyr?» oıynyn oınaıyq (jumbaqtar jasyrylady).

Qabat-qabat qattama
Aqylyń bolsa attama (kitap)

Boılaǵan saıyn tereńge
Shyǵasyń bıik beleńge (bilim)

Bilimnen mol syı asy,
Balardyń uıasy (mektep)

Bilimniń jolbasshysy
Shákirttiń qolbasshysy (muǵalimi)

«Kim kóp biledi?» oıynyn oınaıyq (maqal-mátelder aıtylady).

Kitap – asyl qazyna

Oqý – bilim azyǵy,
Bilim – yrys qazyǵy

Oqý – bilim bulaǵy
Bilim – ómir shyraǵy
Qyna tasqa bitedi
Bilim basqa bitedi

Bilikti birdi jyǵady,
Bilimdi myńdy jyǵady.

Muǵalim: Jaınatyp janymyzdy,
Keltirip sánimizdi.
Arnaıyq bas qosqanda
Tamasha ánimizdi
Sábılik kóńilden
Arnaldy bul ánim.
Baýlıtyn ómirge
Aqylshy – muǵalim.

Án: «Muǵalim ol bizdiń»

Qorytyndy: Balalar, bizdiń ata-babalarymyz «Kitap – kóp aqyldyń quıylǵan kóli», «Kitap – ǵajap dos» dep beker aıtpaǵan. Barlyq bilimdi kitaptan alamyz. Kitap bizdi qaıyrymdylyqqa, adaldyqqa, ádildikke úıretedi.
Osymen «Kitap – rýhanı qazyna» atty tárbıe saǵatymyz aıaqtaldy.