InfoHub Logo

Kókshetaýda mektep oqýshysy Aleksandr Danılov mı ımpúlsyn basqaratyn qurylǵy oılap tapty, dep jazdy «Egemen Qazaqstan» gazeti búgingi sanynda.

Avtorlyq jumysynyń arqasynda ol halyqaralyq konkýrsta ekinshi oryndy ıelendi. Bul qurylǵyǵa mamandar erekshe qyzyǵýshylyq tanytyp otyr. Al elimizdiń birqatar joǵary oqý oryndary 11 synyp oqýshysyn grant negizinde oqýǵa qabyldaýǵa daıyn.

Jańa qurylǵyny №19 fı­zıka-matematıkalyq mekteptiń oqýshysy óziniń ustazy Vıktor Gaıdarenkonyń kómegimen qurastyryp shyǵarǵan. Ol zertteý jumysymen besinshi synyptan beri aınalysyp keledi eken.

- Adam bilegine jalǵanǵan sym arqyly biz bıoımpýlsty alamyz. Alaqanymdy qysqan kezde bıotok transformatorǵa túsip, myń ese kúsheıedi. Osydan soń atqarýshy mehanızmdi iske qosatyn syzbanusqaǵa ornalasady. Halyqaralyq konkýrsta ekinshi oryn alǵanym úshin maǵan UBT-nyń 125 baldyq sertıfıkatyn tapsyrdy, - deıdi Aleksandr Danılov.

Bul mektepte daryndy balalar jetkilikti. Aleksandr sıaqty talantty mektep oqýshylarynyń biri - Baqtıar Qabashev. Ol jaramsyz bolyp qalǵan lúmınısenttik shamdardy ekinshi márte qol­danýdyń joldaryn oılap tapty.

- Jurt kúıip ketken shamdardy qoqysqa tastaýdy jón kóredi. Al olardyń quramynda adam densaýlyǵyna keri áserin tıgizetin synap bar. Osyǵan baılanysty men lúmınısenttik shamdardy qaıtadan paıdalanýdyń joldaryn qarastyrdym. Aldaǵy ýaqytta bul eki kondensator alty dıod jáne bir rezıstordyń kómegimen jumys isteıtin bolady, - dedi Baqtıar Qabashev.

Aıta keteıik, ǵalymdar Alek­sandr Danılovtyń jobasyn óner­kásipte, medısınada, avıasıa­da jáne turmystyq jaǵdaılarda qoldanýǵa bolady dep sanaıdy. Al Baqtıar Qabashevtyń jumysy lúmınısentti shamdardyń qaýip­tiliginen saqtaıdy.

---