QR Ádilet mınıstrligi qazaqstandyq ónertapqyshtardyń patenttelgen qyzyq jobalary týraly aıtyp berdi.
QazAqparat tilshisiniń saýalyna jaýap berý kezinde mınıstrlik mamandary túrli ónertabystar boıynsha patentter tirkelgenin habarlady. Onyń ishinde WI-FI arqyly basqarylatyn sháınek te bar kórinedi. Atap aıtqanda, sháınekti qashyqtyqtan symsyz baılanys arqyly basqarýǵa múmkindik jasalyp otyr.
Sonymen qatar elimizdiń ónertapqyshtary kólik júrgizýshisiniń aıaq kıimin búlinip qalýdan qorǵaıtyn arnaıy qurylǵyny patenttedi. Ónertapqyshtardyń sózine qaraǵanda, osy qurylǵy arqyly júrgizýshiler aıaq kıimderin tozýdan saqtaı alady.
Munymen qosa, joldaǵy qıylystarda kólik quraldarynyń aınalý manevrine arnalǵan qurylǵynyń patenti tirkeýge alyndy.
Bul paıdaly ádis kólik qozǵalysynda qaýipsizdikti qamtamasyz etý salasyna negizdelgen. Osy qurylǵy arqyly jyldyń kez kelgen merziminde kólikter aınalǵan kezde joldaǵy qaýipsizdikke tıisti úlesin qosýǵa qaýqarly.
Atap aıtqanda, kóliktiń artqy shynysynyń sol jaq ishki bóligine qosymsha qurylǵy ornatylady. Iaǵnı, qurylǵyny iske qosqan kezde kóliktiń burylyp, aınalatyndyǵy týraly úzik-úzik jaryq belgileri kórinedi. Osylaısha bul kóliktiń artynda kele jatqan mashınalarǵa eskertý jasalady.
Avtor: Rýslan Ǵabbasov
You Might Also Like
-
2016 jyly bitirýshiler UBT-ny belgilengen merzimde 1-15 maýsym aralyǵynda tapsyrady, dep habarlady QR Bilim jáne ǵylym mınıstrliginiń baspasóz qyzmetinen.
-
V.A.Sýhomlınskıı bylaı degen eken «Tek qana ata-analarmen birge jalpy kúsh – jigerdi biriktirý arqasynda muǵalimder balalarǵa úlken adamdyq baǵyt berýi múmkin»
