InfoHub Logo

Bilim berý salasy: «Qatynas». «Áleýmettik orta».
Bólimi: Til damytý. Qorshaǵan ortamen tanystyrý.
Taqyryby: Kóktem keldi
Maqsaty:
Bilimdiligi: Kóktem mezgilindegi tabıǵı qubylystar, ósimdikter men janýarlardaǵy maýsymdyq ózgerister, adamdardyń kóktemdegi paıdaly is - áreketteri týraly maǵlumat berý. Sýret arqyly áńgime qurata bilýge úıretý.
Damytýshylyǵy: Bilýge qumarlyǵyn damytý.
Tárbıeliligi: Tabıǵattaǵy qubylystardy baqylaı otyryp, súıispenshilikke, tabıǵatty aıalaýǵa tárbıeleý.
Qajetti kórneki quraldar: Kóktem kórinisi sýreti, qum salynǵan ydys, bıdaı.
Ádis - tásilderi: Ǵajaıyp sát, jumbaqtar, sergitý sáti, qımyldy oıyn: «Kóktem alańy» Tájirıbe jasaý.
Sózdik jumys: kóktem, búrshik, báısheshek.
Bılıngvaldy komponent: kóktem - vesna, báısheshek - podsnejnık.

Motıvasıalyq qozǵaýshylyq
Shattyq sheńberi.
«Qulynshaq» bizdiń úıimiz,
«Qulynshaq» tobynyń,
Uly menen qyzymyz.
Aınala bılep, án aıtyp
Kóńildi bolyp júremiz.

Uıymdastyrýshylyq – izdenýshilik
Uıymdastyrylǵan oqý is - áreketi psıhologıalyq kezeńnen (kóktem mezgiliniń tabıǵat qubylystary dybystary: qustar, jylǵada aqqan sý dybysy) bastalady.
- Balalar, bul neniń dybystary?
- Iá, balalar bul – tabıǵat qubylystarynyń dybysy.
- Balalar, qazir qandaı jyl mezgili?
Jańa sabaq
- Balalar, kóktemde kún shýaǵyn shashyp, qar erip, saı - sala sýǵa tolyp, jyralardan sý aǵady. Aǵashtar búrshik jarady, japyraqtar shyǵyp, aǵashtar jasyl jelekke oranady. Eń alǵashqy báısheshekter paıda bolady, qyzǵaldaqtar shyǵa bastaıdy. Qustar jyly jaqtan ushyp keledi. Egistikte jer jyrtylyp egin egiledi. Al jaılaýda qoı qozdap, sıyr buzaýlaıdy. Kóktem – tamasha jyl mezgili! (beıneler slaıdta kórsetiledi)

Búgin jumbaq sheshý arqyly, sýret qurastyraıyq.
- Balalar myna sýret ádemi me?
- Endeshe, osy sýretti ádemilep, túrlendirip jibereıik.
- Men jumbaq oqıyn sender sheshińder.
Jumbaqtar: Aq sandyǵym ashyldy,
İshinen jibek shashyldy.
* * * * * *
Aspandaǵy kóleńke,
Jerge sýsyn sebedi.
* * * * * * Jazda jaınaıdy,
Kúzde jaıraıdy.
* * * * * *
Ózi sondaı názik,
Sý quısań ketedi,
Alaqanyń jazyp.
* * * * * *
Sharlap kelip dalany,
Úıime - úıin salady.
* * * * * *
Aıt dese júgirmes,
Sý tıse silkinbes.
- Balalar sýret ádemi boldy ma?
- Bul sýrette qandaı jyl mezgili beınelengen?
- Kóktem mezgilinde neshe aı bar?
- Qandaı aılary bar?
Sózdik jumys: kóktem, búrshik, báısheshek. Bılıngvaldy komponent: kóktem - vesna, báısheshek - podsnejnık Til ustartý jattyǵýlary:
1. Tem – tem – tem,
Keldi kóktem.
2. Shek – shek, — shek
Shyǵady báısheshek.
Ǵajaıyp sát.
Qonaqqa Kóktem keledi.
Balalardan kóktem, qustar, týraly taqpaqtar suralady.

Sergitý sáti:
Mynaý meniń júregim,
Bári osydan bastalady.
Myna basym aqyldy,
Bárin osy basqarady.
Mynaý meniń oń qolym,
Mynaý meniń sol qolym,
Bárin osy atqarady.
Kóktem balalarǵa oıyn ala keledi.
Qımyldy oıyn: «Kóktem alańy»
Sharty: sýretterdi qystyrǵysh jáne qaqpaqpen sándep ornyna ornalastyrý.
Tájirıbe jasaý.
Balalardyń nazaryn ústel ústindegi nan taǵamdaryna aýdarý.
- Ústel ústindegi qandaı taǵamdar?
- Durys, nan taǵamdary.
- Balalar, nan taǵamdary unnan jasalady. Un bıdaı tuqymynan paıda bolady. Al, bıdaı kóktem mezgilinde jerge egilip, kóptegen eńbekten soń un paıda bolady. Unnan ár túrli tátti nan taǵamdary pisirilip, bizdiń dastarhanymyzǵa keledi.
- Balalar, bizder bıdaı tuqymyn egip tájirıbe jasap qaraımyz.
Topyraq salynǵan ydysty alyp, ortasyn taıaqshamen shuńqyrlap, bıdaı tuqymyn salyp, betin tegisteımiz. Ústine sý quıamyz.
Kóktem balalarmen qosh aıtysady.

Atyraý oblysy, Jylyoı aýdany, Qulsary qalasy
“Qulynshaq” ıaslı balabaqshasy
Tárbıeshi: Keýelova Baqtygúl Sultanbekqyzy