Kóktem mezgili
OQO Shymkent qalasy № 103 JOM
4 «B» synyp oqýshysy: Bólen Arýjan
Synyp jetekshisi: Aldanova Janat
Kóktem mezgili - jyl mezgilderiniń ishindegi erekshe mezgil. Sebebi: bul mezgilde tirshiliktiń jańarý kezeńi bastalady. Qystyń sýyǵy ketip, qar erip, jer betiniń kógeretin kezi. Kóktemniń belgisi bolyp esepteletin báısheshek gúli shyǵady. Sol sátten bastap kún jylynyp, shópter, túrli gúlder shyǵa bastaıdy. Baýlardaǵy, kóshelerdegi, úı mańyndaǵy aǵashtar búrshik atyp, túrli-tústi gúlder kózdiń jaýyn alady. Dıhandar jer jyrtyp, egin egýge daıyndala bastaıdy. Bul mezgilde «8-naýryz halyqaralyq áıelder men qyzdar merekesi» jáne «Naýryz - ulystyń uly kúni, ıaǵnı qazaq halqynyń jańa jyl meıramy» toılanady.
8-naýryzda analarymyzdy, ájelerimizdi, ápke-jeńgelerimizdi, dostarymyz ben ustazdarymyzdy merekelerimen quttyqtap, gúlder syılap, óleń shýmaqtaryn arnaımyz.
Al 22-naýryz merekesinde úlken-úlken jaılaý alańdarda kıiz úıler men altybaqandar qurylyp, halyq ulttyq kıimder kıedi. Ulttyq taǵamdar jasalyp, ulttyq oıyndar oınalady. Bul merekeniń erekshe ulttyq taǵamy - naýryz kóje.
Kóktem mezgiliniń ádemi kórinisi qyzý tirshilik ıeleriniń barsha áreketteri talaı aqyndardyń shyǵarmalaryna arqaý bolǵan. Óz týyndylarynda odanda aıqyn beınelengen.
Maǵan kóktem mezgili unaıdy!
You Might Also Like
-
Biz aqparattyq tehnologıalar dáýirinde ómir súrip otyrmyz. Aınalamyzdaǵy turmystyq quraldardyń mindeti – tirshiligimizdi ońaıyraq, yńǵaılyraq ete túsý sıaqty kórinedi, alaıda, shynymen solaı ma...
