InfoHub Logo

Atyraý oblysy, Qurmanǵazy aýdany,
«Asylaı» bóbekjaı balabaqshasy tárbıeshisi
Mınajeva Aıman Seıtjanovna

Toby: 1 - shi sábıler «Botashym»toby (2 - 3 jas)
Bilim berý salasy: Tanym
Uıymdastyrylǵan oqý is - áreketi: Qorshaǵan ortamen tanysý
Taqyryby: Kóńildi qys
Maqsaty: Jyly kıinip, shanamen syrǵanap, aqqala jasaıtyn kóńildi qys mezgiliniń ereksheligin túsindirý.
Balalardy tabıǵatpen, aýa raıy qubylystarymen tanystyrý. Adamgershilikke, meıirimdilikke tárbıeleý.
Ádis - tásilderi: serýendeý, tájirıbe jasaý, túsindirý, suraq - jaýap, áńgimelesý.
Kórnekilikter: shana, aqqala, qar, fotoaparat.

Júrý barysy:
Uıymdastyrýshylyq - qozǵaýshylyq:
Balalar jyly kıinip syrtqa shyǵady.

Balalar dóńgelenip turyp, bir - birine jaqsy tilekterin tileıdi.
Jumbaq sheshý
Qysta ǵana bolady,
Ustasań qolyń tońady. Ol ne? (Balalar qar dep jaýap berýge tyrysady).
Balalardy tabıǵatpen, aýa raıy qubylystarymen tanystyramyn.
Suraq - jaýap:
- Balalar, qazir jyldyń qaı mezgili?
- Ony qaıdan bildik?
- Qysta aýa raıy qandaı bolady?
- Adamdar qalaı kıinedi?
- Qysta qandaı oıyndar oınalady?
Qoldaryna qar ustap onyń túsi men salmaǵy qandaı ekenin, pedagogtyń suraǵyna jaýap berý arqyly bar bilgenderin ortaǵa salady.
Shanaǵa kezek – kezek otyrǵyzyp syrǵanatamyz. Balalardyń kóńil - kúıin kóterýge jumystanamyz.

Pedagog: Oqý is - árekette aýa týraly túsinik bere otyryp, onyń kózge kórinbeıtinin, biraq onymen bizdiń, basqa da tirshilik ıeleriniń demalatynyn aıtamyn. Aýa taza bolmasa aýyratynymyzdy aıtyp, ony taza ustaý úshin toptyń, úıdiń taza bolýy, topta oıynshyqtaryn oınap bolǵan soń jınaý kerektigi týraly balalarmen áńgimelesemin.
Tájirıbe jasaý: Aýamen demalatynymyzdy, aýyzdy bassa murynmen, muryndy bassa aýyzben dem alatynymyzdy tájirıbe jasaý arqyly kórsetemin.
Sergitý sáti:
Appaq qylyp óńirdi, (alaqandy ashý)
Qar jaýdy, qar jaýdy! (qoldaryn sermeý)
Kóńildi balalar (qoldaryn shapalaqtaıdy)
Qyzyǵyp sekirdi, sekiredi (oryndarynda turyp sekiredi).
Qımyldy oıyn: «Qar domalaqtaý»
Sharty: balalar qoldarynan kelgenshe qardy domalaqtaıdy. Domalaqtaǵan qarynyń pishinin, kólemin, túsin kezektesip aıtady.
Tájirıbe jasaý:
Qardy ustap kórý, ol týraly áńgime júrgizý.
- Qar týraly ne aıta alasyńdar?
- Qardy uzaq ustap tursaq, ol qandaı kúıge túsedi?
- Qar nege uqsaıdy?
«Qaýipsizdik erejesi»
Balalar men senderge qaýipsizdik erejesin aıtyp bereıin, sender esten shyǵarmańdar.
- Qardy jeýge bolmaıdy, ol salqyn tamaqtaryń aýyrady.
- Muzdan saq bolý kerek, úlkendersiz jaǵaǵa barýǵa bolmaıdy.
- Balalar, qys mezgili kóńildi solaı ma? Olaı bolsa qane bárimiz aqqala jasap oınaıyq.
Oıyn: «Aqqala jasaımyz»
Sharty: Aqqala jasaý úshin eki topqa bólinedi. Aqqala jasap jarysady.
Jasaǵan aqqalany qyzyqtap, balalar qaı aqqala jaqsy shyqqanyn baǵalaıdy.
- Aqqalanyń neshe dóńgelegi bar?
- Úlken dóńgelekke qandaı dóńgelek japsyrylady?
- Ortasha dóńgelekke qandaı?
- Basyna ne kıgizýge bolady?
Balalar, aqqala daıyn boldy. Eki toptyń da jasaǵan aqqalasy ádemi boldy.
Jaraısyńdar, endi balabaqshaǵa kireıik.
- Búgingi sabaq senderge unady ma?
- Nesimen undy?
- Qaýipsizdik erejesin esten shyǵarmańdar, jaraı ma?
- Qar týraly túsinik aldyńdar ma?

Kútiletin nátıje:
Balanyń túsinýi: Qys qyzyǵy nede ekenin.
Balanyń meńgerýi: Qys mezgiliniń erekshelikterin.
Balanyń jasaı bilýi: Qysqy oıyn túrlerin oınaıdy.