InfoHub Logo

Jasyryn emes, psıhologıalyq jáne medısınalyq turǵydan alǵanda adam táýligine 8 saǵat jumys isteýi kerek. Odan artyq jumys aǵzaǵa, sanaǵa salmaq túsiredi. Táýliktik 8 saǵattyń ózinde adam keminde 3 ret úzilis jasap, qımyl-qozǵalysty kóbeıtý kerek. Degenmen sońǵy zertteýler ótken ǵasyrdyń 80-jyldarmen salystyrǵanda adamdarda qımyl-qozǵalys 40 paıyzǵa azaıǵanyn, al otyryqshy jumys isteıtinderdiń qatary 70 paıyzǵa artqanyn anyqtapty.

Árıne, munyń bári zamanaýı tehnıkanyń arqasy, adamnyń ary-beri júrýi azaıdy dep maqtanarmyz. Alaıda munyń zıandy jaǵy da basym bolyp barady. «Medıkal blıllıng...» uıymy túrli medısınalyq zertteý júrgizip, qozǵalysy az ómir salty, az ýaqytta adamdardy qaterli isik, júrek-qantamyr, dıabet aýrýlaryna alyp keledi degen tujyrym jasady. Mamandar zertteý kezinde úsh jyl boıy táýligine 6 saǵattan artyq bir orynda otyratyn adamdar men únemi qımyl-qozǵalysta bolatyn eki topty baqylaýǵa alǵan. Úsh jyldan keıin kóp otyratyn adamdardyń aǵzasynda qartaıý belgisi 40 paıyzǵa artqanyn, 29 paıyzynda toq ishektiń qaterli isigi, taǵy 13 paıyzynda semizdik pen qant dıabeti baıqalǵan.

Shyǵys Ontarıo Zertteý ortalyǵynyń salaýatty ómir salty men semizdik problemalarynyń zertteý bóliminiń jetekshisi Mark Tremblı bastaǵan Kanaladyq dárigerlerdiń aıtýlarynsha, denege udaıy jáne uzaq ýaqyt salmaq túsiretin jumystar kókirek qaterli isigine shaldyǵý qaýpin 30 paıyzǵa, jynys bezi qaterli isigi qaýpin 10-20 paıyzǵa azaıtady eken. Mamandar ár ýaqytta kreslodan turyp, jattyǵý jasap sergip alý, túski úziliste júrip qaıtý artyq etpeıdi deıdi.

Oqýǵa keńes beremiz:

Bir aı boıy kúnine 100 retten jattyǵý jasaý

Qaterli isikti arttyratyn azyqtar

Qaterli isik qaýipin azaıtý úshin

Ókpeniń qaterli isigi

Qaterli isikten saqtaný

Qaterli isiktiń aldyn alýshy — júzim

---