InfoHub Logo

Qys mezgilinde kún sáýlesiniń jetispeýshiligi, qozǵalystyń azdyǵy túrli vırýstardy juqtyryp aýrýǵa dýshar qylady. Iá, rasymen, qys pen kúzde adam aǵzasy kóptegen dárýmenderdi qajet etedi. Alaıda arnaıy mamannyń taǵaıyndaýynsyz kez kelgenin qabyldaı berýge bolmaıdy. Aldymen saraptama arqyly aǵzadaǵy deńgeıin tekserý kerek. Sonymen qatar bizge dárýmenderdiń kóp mólsheri bar taǵamdar tizimin bilip júrgen artyq etpeıdi.

S dárýmeni

Imýnıtetimizdegi negizgi dárýmenderdiń biri. Ol terini nárlendirip, súıekter men tisterdi saý qalpynda ustaıdy, jaralardy emdeıdi. Qyzanaq, qyryqqabat, kókshóp túrleri men bolgar buryshynda S dárýmeni jetkilikti mólsherde bar.

Oqýǵa keńes beremiz:

Sınga: S dárýmeniniń tapshylyǵy

E dárýmeni

Bul dárýmen qys mezgilinde terini jáne shashty ylǵaldandyrýǵa kerek. Qysta bas terisi qurǵap, shash túskish bolady. Osy oraıda E dárýmeni ylǵal tepe-teńdigin saqtaýǵa kómektesedi. Jerjańǵaq, brokkolı, kúnbaǵys dánderi jáne keshú jańǵaǵy E dárýmenine óte baı.

Temir

Temir ımýnıtetti kóterý úshin óte mańyzdy, sondaı-aq, ol bizge sergek júrýge kómektesedi. Al naqtyraq aıtsaq, temir búkil aǵzany azyqtandyryp, búkil denege ottegin jetkizedi. Temirdi óz deńgeıinde ustap turý úshin et, úrmeburshaq, qoshqyl japyraqty kókónister, qus etin jáne teńiz ónimderin jeý kerek.

Myrysh

Dárýmenniń bul túri antıoksıdant rólin atqarady, tinderdi qalpyna keltiredi, gormondardy teńestiredi, saý ımýnıtetti qalyptastyryp, as qorytýdy jaqsartady. Myrysh shpınatta, sıyr etinde, úrmeburshaqta, teńiz ónimderinde, asqabaq tuqymdastarynda jáne jańǵaqtarda kóp bolady.

D dárýmeni

Bul dárýmendi alý úshin jarty saǵat kún astynda ótkizse jetedi. Al kúz ben qysta bárimiz is júzinde «kún» dárýmenin qajet etemiz. Sonymen birge ol bizge mańyzdy mıneraldy zattardy sińirýge, metobolızmdi retteýge kómektesip, jasýshalardyń durys damýyna yqpal etedi jáne ımýndyq júıeni retteıdi. Qys mezgilinde ony kerek mólsherde alý úshin maı, sút, jumyrtqa, sańyraýqulaq, baýyr maıy men maıly balyq jegen jón.

Oqýǵa keńes beremiz:

D dárýmeniniń tapshylyǵy: bilý kerek belgiler

Folıı qyshqyly

Bul kóbine júkti áıelderge taǵaıyndalady, óıtkeni onyń jetispeýshiligi uryq damýynyń tejelýine ákelýi múmkin. Alaıda júkti áıelden bólek, kez kelgen adam úshin bul element óte qajet. Folıı qyshqyly kóńil-kúıdi retteýge kómektesedi, ásirese qystaǵy kóńilsizdik kezinde mańyzdy. Sonymen qatar, ol júrek aýrýy, qant dıabeti jáne onkologıalyq aýrýlardyń qaýpin azaıtýǵa kómektesedi.Folıı burshaq, úrmeburshaq, jasymyq, avokado, jańǵaqtar men brokkolıde kóp.

A dárýmeni

Bul mańyzdy dárýmen de antıoksıdant qyzmetin atqaryp, súıekterdi, tisterdi jáne jumsaq tinderdi saý qalpynda saqtaıdy. Oǵan qosa deneniń tabıǵı qorǵanysyn qoldaý arqyly saý ımýndyq júıeni qalyptastyrady. A dárýmenin shpınattan, sábizden, órikten jáne tátti kartoptan alýymyzǵa bolady.

Eger dárýmender bir-birimen durys úılespeıtin bolsa, onda olar edáýir nashar sińedi. Olardy tańerteń nemese kúndizgi ýaqytta sýmen ishken durys. Alaıda qantty gazdalǵan, energetıkalyq sýsyndarmen, shaımen, ásirese kofemen ishýge bolmaıdy. Sondaı-aq tamaqtanǵan soń jarty saǵattan keıin qabyldaý óte tıimdi.

Túrli deńgeıdegi depressıaǵa, mazasyzdyqqa ushyraǵan jáne kóńil-kúıi birqalypty emes adamdar aldymen dárigermen keńesip, qandaı dárýmenderdiń jetispeıtinin anyqtaıtyn analız tapsyrý kerek. Al basqa jaǵdaılarda árdaıym olardy qabyldap júrý ımýnıtetti nyǵaıtyp, densaýlyqty saqtaıdy.

Oqýǵa keńes beremiz:

Qys mezgilindegi eń paıdaly jemister

Aǵzańyzǵa dárýmen jetispeıtinin bet-álpetińizden bile alasyz

Vırýstarmen qalaı kúresý kerektigi jóninde dáriger Komarovskııden nusqaýlyq

---