InfoHub Logo

Aıýhan men Aıýbıkeniń alty jasar Qorbańbaıy úıge botadaı bozdap keledi de, shalqasynan túsip jer tepkileıdi.

— Ne boldy?

— Kim tıdi?

— Kójek! E-e, Kójek-Kójek...

— Qoı̆, balaqaı̆, Kójek saǵan nege tıisti?!

Aıýhan ashýlana bastaı̆dy:

— Aıtpaısyń ba jóndep! Ne boldy? — Kójek! Shańǵy, shańǵy...

Sózge Aıýbıke aralasady:

— Qoıanbaı̆ Kójegine keshe shańǵy áperdim dep júrgen. Sony kórip qyzyqqan ǵoı̆, bul.

— Iá, ıá... Mende joq! — dep, Qorbańbaı̆ burynǵysynan beter eńireı̆di.

Aıýhan dúkenge baryp, balasyna shap-shaq shańǵy ákep beredi. Sary tústi, sý jańa, jyltyraǵan shańǵy. Qorbańbaı̆ qýanyp ketedi. Aýlada aıaǵyna baı̆lap alyp, esik aldyndaǵy tóbede bir turyp, bir qulap, kesh boı̆y syrǵanaq tepkensıdi. Terlep-tepship kelgen boı̆y Qorbańbaı̆ shańǵysyn esik aldyna tastaı̆ salady. Túnimen qar jaýady. Shańǵy qardyń astynda qalady. Qorbańbaı̆ qaı̆typ shańǵysyn esine bir almaı̆dy. Kóktemde qar ketkende, ábden shát-shálekeı̆i shyqqan shańǵyny kórshileri taýyp ákelip, Aıýhan aǵaǵa beredi. Jer degdıdi. Jan-janýarlar jyly shýaq kúnderde kóbine dalada júredi. Kishkentaı̆ Qorbańbaı̆ da asyr salyp dýyldatyp júr eken. Bir kúni ol taǵy qıǵylyq salady:

— Tıintaı̆dyń velıgi bar. Mende joq. Dúkende tur. Alyp ber, apa, áı̆tpese balabaqshaǵa barmaı̆myn...

Aıýbıke amalsyz dúkenge tartady. Velosıped qolyna tıgen Qorbańbaı̆ jymyń-jymyń etedi. Eki dóńgelekti velosıped epsiz nemeniń yrqyna kóne qoı̆maı̆dy. Qorbańbaı̆ aýlada áldeneshe qulaı̆dy.

— Meni jyǵa beredi. Aqyly joq velık... Tebýdi keı̆in úı̆renemin, — dep, Qorbańbaı̆ velosıpedin esik aldyna tastaı̆ salyp, dop tebýge ketedi. Keı̆in aýladaǵy Aqtıin, Mıaýbıke, Joldyaıaqtar velıkti bólshektep-bólshektep, oı̆ynshyq qyp oı̆nap júripti.

Men bizdiń aýyldaǵy kórshilerdiń balalaryna osy ertegini aı̆typ berdim. Meniń keı̆bir kishkentaı̆ dostarym qıpaqtap, jelkelerin qasydy.

Báse, olar nege óıtti?..