InfoHub Logo

Kósh basynda – Kemeńger
Maqsaty: Oqýshylarǵa elbasy týraly túsindirip, Otandy súıý, halqymyzdyń bolashaq elbasyndaı bıik shyńnan kórinentin, el basqara alatyndaı azamat bolýǵa tárbıeleý.
Kórnekiligi: ınteraktıvti taqta, úntaspa, kórme, slaıdtar, naqyl sózder.

Barysy:
Qazaqstan Respýblıkasynyń Memlekettik ánurany oınalady.

Muǵalim sózi:
Árbir egemendi eldiń ózine tán memlekettik Ánurany, Týy, Eltańbasy, Elbasy bolady. QR -nyń azamattary, sondaı-aq elimizde turyp jatqan kez-kelgen adam memlekettik Týdy, Eltańbany, Ánurandy, Elbasyn qurmet tutýǵa mindetti.
Tuńǵysh Prezıdent kúni – bul tarıhı tańdaý kúni, barlyq qazaqstandyqtardyń Ult kóshbasshysy, Tuńǵysh Prezıdent Nursultan Nazarbaevtyń tóńiregine toptasý kúni. Al elimizde alǵash ret atap ótilgeli otyrǵan osy Tuńǵysh Prezıdent kúni qarsańynda Kósh basynda – Kemeńger atty tárbıe saǵaty ótpekshi.

1991 jyly 1 jeltoqsanda búkilhalyqtyq eldiń tuńǵysh Prezıdentin saılaý ótkizildi, saılaý nátıjesinde memleket basshysy bolyp Nursultan Ábishuly Nazarbaev (98, 7%) saılandy.
1995 jyl 29 sáýir — Respýblıkalyq referendýmda Qazaqstan Respýblıkasynyń Prezıdenti Nursultan Nazarbaevtyń ókilettik merzimi 2000 jylǵy 1 jeltoqsanǵa deıin uzartyldy.
1999 jyl 10 qańtar — N. Á. Nazarbaev(79, 78%) Qazaqstan Prezıdenti bolyp qaıtadan saı - landy.
2005 jyl 4 jeltoqsan — Qazaqstan Respýblıkasynyń prezıdenti saılaýynda N. Á. Nazarbaev (91, 5%) Prezıdent bolyp saılandy.

1991 jylǵy 1 jeltoqsandaǵy prezıdenttik saılaý barlyq qazaqstandyqtar úshin taǵdyr sheshti oqıǵa boldy jáne búkil álemdik qoǵamdastyqtyń nazaryn ózine aýdardy. Qazaqstan tarıhynyń jańa bir jarqyn beti ashyldy. Prezıdent Nursultan Ábishuly Nazarbaev el azamattarynyń tuńǵysh ret jalpyǵa birdeı, teń jáne tóte saılaý quqyǵy negizinde jasyryn daýys berý arqyly saılandy. Saılaý shyn máninde búkilhalyqtyq boldy. Onyń aıǵaǵy – saılaýshylardyń saılaýǵa qatysýdaǵy joǵary belsendiligi.
Mektebimizdiń kitiphanashysy Jıdehanova J. Elbasymyz týraly tolyq maǵlumat aıtyp ótpekshi.

Kitiphanashy: Jıdehanova J.
N. Nazarbaev birqatar ǵylymı eńbekterdiń jáne áleýmettik - ekonomıkalyq damý máseleleri men qoǵamdyq-saıası taqyryp boıynsha kitaptardyń avtory:
• «Vajneıshee ýslovıe ıntensıfıkasıı» (A., 1983),
• «Stalnoı profıl Kazahstana» (A., 1984),
• «Ekonomıka Kazahstana: realnostı perspektıva stanovlenıa» (A., 1988),
• «Bez pravyh ı levyh» (M., 1991), «Strategıa razvıtıa Kazahstana kak sýverennogo gosýdarstva» (A., 1992),
• «Strategıa resýrsosberejenıa ı perehod k rynký» (M., 1992),
• «Ideınaıa konsolıdasıa obshestva kak ýslovıe progresa Kazahstana» (A., 1993),
• «Naryq jáne áleýmettik - ekonomıkalyq damý» (A., 1994),
• «Ǵasyrlar toǵysynda» (A., 1996),
• «Evrazııskıı soıýz: ıdeı, praktıka, perspektıvy» (M., 1997),
• «Tarıh tolqynynda» (A., 1997),
• «O vremenı, o sýdbah, o sebe...» (London, 1997),
• «Strategıa transformasıı obshestva ı vozrojdenıe evrazııskoı sıvılızasıı» (M., 2002),
• «Beıbitshilik kindigi» (A., 2002),
• «Syndarly on jyl» (A., 2002),
• «Eýrazıa júreginde» (A., 2005).

Muǵalim:
Tulparyńnyń shabysyn,
Dombyrańnyń qaǵysyn,
Kúńirentken taý ishin,
Darıańnyń aǵysyn
«Súıem!» desem - bári shyn,.......
- dep, elim, jerim, Otanym dep jyrlaıtyn azamattarymyz óz óleń joldaryn oqyp bersin.

Zıaǵadil Jiger:
Otan!
Sen bolmasań, ne eter em?
Máńgilikke baqytsyz bop óter em,
Ómirden bul óksýmenen keter em.
Qus uıasyz,
Jyrtqysh insiz bolmaıdy.
Otansyz jan ómirinde ońbaıdy.
Ózin - ózi qorlaıdy da, sorlaıdy.
Tiri adamǵa - sol qaıǵy!
Kún kóredi,
Ákesiz de, anasyz,
Ómir súrer.
Áıelsiz de, balasyz,
Al Otansyz -
Naǵyz sorly panasyz?
Bilesiń be,
Otannyń sen ne ekenin?
(Eki ómir joq, árıne, joq eki ólim.)
Eki Otan joq.
Jalǵyz Otan - mekeniń! (Muqaǵalı Maqataev)

Myrzabergenov Islam:
Shańyraǵyń - shyraǵym
Topyraǵyń - tumarym,
Ǵalamda joq syńaryń,
Ǵajaıybym, jumaǵym,
Basy taza bulaǵym,
Basylmaıtyn qumarym,
Qazaqstan - qyranym! (Ulyqbek Esdáýletov)

Zarıpova Nazgúl:
Elý jasta elim bar dep aıta almaı,
Ketpes esten kúıingeniń, muńly Abaı.
Elim bar dep aıtatyn bir týdy kún,
Elim bar dep shyrqatamyn men búgin,
Erkeleımin keń dalamda baladaı.
Qazaqstan deıtin meniń bar elim. (Qasym Amanjolov)

BalǵabaevaAqmereı:
Qazaqstan!
Paı, paı, paı!
Ardaǵym - aı!
Sen meniń Sholpanymsyń, janǵan udaı,
Ózińde ómir súrgen qandaı baqyt,
Ólmeıtin mahabbatym, armanym - aı!... (Muqaǵalı Maqataev)

Danaǵulova Qanaǵat:
Bizder úshin Otan jalǵyz, Tý jalǵyz,
Qorǵamasaq nesin ul bop týǵanbyz?!
Kindigimiz tar qapasta kesilip,
It kóılekti qandy jaspen jýǵanbyz.
Týǵan jurtqa tirek bolý erge - syn,
Quldyqty endi qudaı basqa bermesin.
Atań ólse, óziń ata bolarsyń,
Eshqashanda Otan óle kórmesin! (Nesipbek Aıtuly)

Jaıbergenova Dınara:
Altyn kún shýaǵyn, Kók Baıraq shashatyn,
Jatsynbaı álemge qushaǵyn ashatyn,
Qazaqtyń terinen nár alǵan dalasy -
Táýelsiz beıbit el!.. Máńgige jasasyn! (Saıyn Nazarbekuly)

«Balalyq shaqtyń aspany» fılmi.
Fılmde kim oınaıtyndyǵyn, armany qandaı ekendigin t. b. suraqtar qoıý.

Muǵalim:
Oqýshylar elbasymyzdyń balalyq shaǵyndaǵy armanyndaı sizderde der arman bar. «Meniń armanym» dep armandaryńyzdy qaǵazǵa jazyp, qabyrǵa gazetine jabystyryńyzdar.
Árbir tasy - kıelim,
Ár ýyǵy - júıelim,
Án kernegen júregin,
Kúı kernegen tıegin,
Qazaqstan - jyr elim!
- dep «Kók týdyń jelbiregeni» ániń jyrlaıtyn Danaǵulova Qanaǵat pen Qýanyshova Balnurdy qarsy alyńyzdar.

Muǵalim:
Endeshe oqýshylar sizderge úlgi bolar mektebimizdiń maqtanyshy, qarashanyń 26 juldyzynda ótken «Jyr jazamyn júregimmen» atty aýdandyq jas aqyndar músháırasyna qatysyp, 1 oryndy jeńip alǵan 8 «G» klass oqýshysy Ábýov Aslannyń elbasymen elge degen shyn yqylasymen shyǵarǵan óleńin qabyl alyńyzdar.

Qazymbetov Dıas:
Elbasy tiregimiz,.
Astana júregimiz.
Táýelsiz azat elmiz,
Bolashaqqa senemiz.

Shamaran Dana:
Elbasy elimizdiń kemeńgeri,
Qazaqtyń arda tutar asyl eri.
Jahanǵa tanytyp qazaq elin,
Kóshbasshy, Qazaqstan júregi.

Aldasúgirov Aqmyrza:
Bilim, ǵylym izdegen jastarǵa,
Bolashaq baǵdarlamasyn qosqan da.
100 mektep baǵdarlamasy,
Úlgi bolar bastama.

Saqtaǵanov Sherhan:
Astanadaı alyp qala turǵyzǵan,
Nur Otanyn halyqqa qamqor qylǵyzǵan.
Azıada alaýyn jelbiretip,
EHRO – 2017 kórmesin eline bet burǵyzǵan.
Basshylyq jasap qaýipsizdik uıymǵa,
Birlikti tý etken bar álemge.
Nursultan Nazarbaev jasasyn!

Qorytyndylaý:
Ia, balalar, sizder jyrlaǵan óleńniń jany bar 1 ǵana óleńge mysal keltirsek Elbasy N. Nazarbaevtyń «100 mektep, 100 aýrýhana» baǵdarlamasy boıynsha bilim shańyraǵynyń biri – Shalqar qalasyndaǵy №8 orta mektep. 3 qabatty, 1200 oryndyq mektep ǵımaratynyń jalpy aýmaǵy 21056 sharshy metr. Kitaphanada 10 myń kitap qory bar. Aýdanda jańa emhana men aýrýhana
boı kóterdi.
Al, balalar sizder Elbasy bolsańyzdar ne eter edińizder? (Oqýshylar óz oıyn bildiredi.) Endeshe, sizderdiń «Meniń armanym» qabyrǵa gazetine jazǵan armandaryńyz oryndalyp, tek qana Elbasymyz sıaqty bıik shyńnan kóringeısińder!

Qazaqtyń Sen – Sultanysyń,
Ultandy el –
Uly atanyń urpaǵysyń!
Shapaǵyn abat kúnniń shashyp elge,
Araılap atqan araı – nur tańysyń!
Arqanyń qaq tórinen qala ornattyń,
Bul – máńgi úlgi - ónege urpaq úshin!
Talmaıtyn jarys dese – tulparysyń,
Samǵaıtyn ǵarysh dese – suńqarysyń!
Alataý – Almatynyń asqar shyńy,
Al óziń baıtaq eldiń bir taýysyń!
Til - kóz ben kóldeneńnen
Aman - saý júr,–
Budan da bıikterge shyrqaý úshin!
Elbasymyzǵa osylaısha shyn nıetten tilegimizdi bildirip, elimiz aman, álide álemge tanytyp, samǵasyń bıikke qazaq, - deı otyra tárbıe saǵatymyzdy aıaqtaımyz.