InfoHub Logo

Qyzylorda oblysy, Jańaqorǵan aýdany,
Quttyqoja aýyly, №164 orta mektebiniń
matematıka páni muǵalimi Isaeva Gúljaýhar Qarataıqyzy

Koýchıng jospary
Sabaq taqyryby: Quqyq buzýshylyq jáne onyń aldyn alý joldary
Jalpy maqsaty: Jasóspirimderdiń quqyqtary men mindetteri, quqyq buzýshylyq pen qylmys belgileri, túrlerin eske túsirý, oqýshylardyń quqyq buzýshylyǵynyń aldyn alý jumystaryn úılestirý tásilderin taldaý, negizdeý.
Silteme: QR Konstıtýsıasy kitapshasy, Bala quqyqtary týraly Konvensıa, Bala quqyǵyn qorǵaý týraly tujyrymdama, halyqqa quqyqtyq kómek «Bala quqyǵy» jadynamasy.
Kútiletin nátıje: 1. Jasóspirimderdiń quqyqtary men mindetteri jaıly baptardy, quqyq buzýshylyq, qylmys belgileri jáne túrlerin biledi;
2. Quqyq buzýshylyqtyń aldyn alý jumystaryn birge taldaıdy, ony tájirıbesinde qoldanady;
3. Qoǵamnyń quqyqtyq tárbıesin arttyrýǵa yqpal etedi.
Túıindi ıdeıalar: Quqyq buzýshylyqtyń túrleri, olardy qarastyratyn qujattar, bala quqyqtary, quqyq buzýshylyqtyń shyǵý sebepteri, onyń aldyn alý jumystaryn úılestirý tásilderi
Resýrstar: úlestirmeli materıaldar, A2 formatty qaǵazdary, stıker
Derekkózderi: Slaıdtar, prezentasıa «Quqyq buzýshylyq túrleri», beınejazba «Balalar nelikten qylmystyq áreketke barady»

Koýchıng sessıanyń ótý barysy
İ. Sálemdesý. Jaǵymdy psıhologıalyq ahýal týǵyzý. «Ystyq alaqan» trenıńi
- Bireýimiz ana nemese áke, ekinshimiz bala bolamyz. Alaqandarymyzdy bir - birine túıistiremiz. Neni sezinetinimizdi, erkeletý frazalaryn jaǵymdy sózder arqyly jetkizemiz. Qımyl qozǵalys arqyly jaýap berý: ıá deseńizder - qoldaryńyzdy shapalaqtańyz; joq deseńizder - aıaqtaryńyzdy tarsyldatyńyzdar.
1) Gazet betindegi maqalalardan, teledıdardaǵy baǵdarlamalardan tárbıege baılanysty suraqtardy tyńdap, qarap júresiz be?
2) Balany tárbıeleýge ne nárse yqpal jasaıdy?
- eger januıa deseńizder jymıyp, aınalamyz
- eger qorshaǵan orta, qoǵam deseńizder qoldy aldymyzǵa soǵamyz.
3) Bala tárbıeleý jaýapkershiligi kimde dep oılaısyz?
- eger «áke» deseńizder, qoldy aldymyzǵa soǵamyz
- eger «ana» deseńizder, jymıyńyz
- eger «ekeýi» deseńizder, qoldaryńyzdy joǵary kóterip shapalaqtańyz.

İİ. Topqa bólý. Koýchıngke qatysýshylar qıylǵan sýretterdi qurastyrý arqyly toptarǵa bólinedi (túzý jáne qısyq aǵash).

İİİ. Taqyrypty ashý(Ujymmen jumys). Beınejazba kórý, áńgimeleý, oı túıý
«Rotasıa» ádisi boıynsha topta suraqtardy taldaý:
1. Quqyq degenimiz ne?( Adamnyń múddesin qanaǵattandyrýǵa baǵyttalǵan zań arqyly qorǵalǵan tártiptik shara)
2. Quqyq buzýshylyq degenimiz ne? (Mindetter normasyn buzatyn zańǵa qaıshy is - áreket)
3. Balalardyń quqyǵy qaı qujatta qaralǵan? (BUU - nyń Bala quqyqtary týraly Konvensıasy – árqaısysy belgili bir quqyqty sıpattaıtyn 54 baptan turatyn bala quqyqtary týraly qujat. Konvensıa - arnaýly máseleler jónindegi kelisim shart)
4. Balanyń qandaı quqyqtaryn bilesizder? (ózine esim men azamattyq alýǵa, óz otbasynda, ata – anasymen birge ómir súrýge, tynyǵýǵa jáne mádenı demalýǵa, oı – pikir, ar - ojdan jáne din erkindigine, ózi qalaǵan sport túrimen shuǵyldanýǵa, densaýlyǵyn saqtaýǵa, emdelýge, óz oıyn erkin aıtýǵa, bilim alýǵa quqyly)
5. Bala tárbıesine áser etetin orta (otbasy, mektep, qurby - qurdastary)

IV. Prezentasıamen tanystyrý. «Quqyq buzýshylyqtyń túrleri»

V. Sergitý sáti (toppen jumys). «Bala tárbıesi» tájirıbe: Staqanǵa sút quıamyz, oǵan as sodasyn salyp aralastyramyz. Sosyn ýksýs quıamyz. Sút ydysynan tasydy. Bul qubylysqa qarap bala tárbıesi jaıly ne aıtýǵa bolady?

VI. Kishi joba daıyndaý, qorǵaý(toppen jumys).
1. Jasóspirimderdiń qylmysqa barý sebepteri
2. Jasóspirimderdiń quqyq buzýshylyǵyn aldyn alý joldary
(A. Eńsepov kúı «Detstvo»)

VII. Keri baılanys paraǵy: - Búgingi koých sabaǵynan ne túıdińiz?
- Sizdiń kóńil - kúıińiz jáne sheshimińiz.