Kúltegin
Kúltegin (684 - 731 jj.) — Ekinshi Shyǵys Túrik qaǵandyǵy (Qapaǵan jáne Bilge qaǵandar dáýirindegi) áskeriniń bas qolbasshysy, «kók túrkiniń kók semseri» atanǵan ataqty batyry, Qutlyq qaǵannyń kenje balasy. Ol ákesinen 7 jasynda jetim qalyp, aǵasy Qapaǵan qaǵannyń tárbıesinde ósedi. Kúltegin tym erte eseıip, qabyrǵasy qatyp, buǵanasy bekimeı jatyp, jaý jaraǵyn asynyp, tus-tustan tóngen jaýǵa úlkendermen bir qatarda turyp erlikpen aıqasady. Mine, osydan bylaı Kúlteginniń erlik joly bastalady. Aǵasy Bilge qaǵan jáne Tonykókpen birge el táýelsizdigin saqtap qalý jolynda aıanbaı ter tógedi. Kúlteginniń erligin batyrdyń ózine arnap ornatylǵan eskertkishtegi jazýlardan anyq ańǵarýǵa bolady. Eskertkishte sol dáýirdegi qyrǵyn soǵystardyń birde bireýi Kúlteginsiz ótpegenin, dýlyǵasy jarqyrap, jaýyn japyryp, qan maıdannyń ortasynda júrgenin, sonyń bárinde ol jaýyna jasyndaı tıip, túrki áskerin jeńiske jetkizip otyrǵanyn tamsana baıandaıdy. Tarıhı qujattarǵa júginsek, onyń áskerinde mıllıonǵa jýyq salt atty sarbaz bolǵan. Kúltegin batyr 47 jasynda qaıtys bolady.
You Might Also Like
-
Búgin Astanada Jastar jylynyń ashylýyna arnalǵan sharada Qazaqstandaǵy eń jas stýdent Abzal Myrzash QR Prezıdenti Nursultan Nazarbaevqa aldaǵy josparlary týraly aıtyp berdi.
-
Qazirge kezde mamandyq tańdaý asa ońaıǵa túspeıde. Bireýi dáriger, bireýi kasır, bireýi satýshy, endi taǵy bireýi mashınıst bolýdy armandaıdy. Ár adam ózine unaıtyn mamandyqty tańdaý qajet, sebebi o...
