Kún aýysyp barady túnge qaraı,
Shyǵysta - kesh, Batysqa - kirgen araı.
Kún shyqqan jerden árkez tún keledi,
Maǵan solaı, bilmeımin, kimge qalaı.
Sońǵy shoǵyn sóndirip araılaǵan,
Kún ketti, tirshilikke qaraılaǵan.
Aı týdy, nursyz da emes, nurly da emes,
Shashyrap óli sáýle shar aınadan.
Aspan da abyr-sabyr shamyn jaǵyp,
Qus joly da tóseldi saǵymdanyp.
Bar dúnıe turǵandaı damyl baǵyp,
Taýym qalǵyp, oıymda baǵym qalǵyp.
Tún meni kúızeltedi jyndy qylyp,
Baqty basyp jatqandaı, gúldi julyp.
Kúmis qanag bir qusqa minip alyp,
Ketsem be eken artynan kúndi qýyp.
Hege men úreılenem túnge qaraı,
Maǵan solaı, bilmeımin, kimge qalaı.
Kúnde - ómir, túnde - damyl, túsinbeımin,
Moınymdy bursam eken kimge qaraı?!

---