InfoHub Logo

Kún shýaǵyn tókken jan
Maqsaty: Balalardy meıirimdilikke, qaıyrymdylyqqa, baýyrmaldyqqa, eńbek súıgishtikke tárbıeleý. Qazaqstannyń birinshi hanymy «Bóbek» balalar qaıyrymdylyq qorynyń Prezıdenti Sara Alpysqyzy Nazarbaevanyń ómir joly, ulaǵatty ustanymdary arqyly jas urpaqtyń júregindegi ómirge, ata - anasyna, eń jaqyn adamdaryna jalpy adam ataýlyǵa degen súıispenshilik, mahabbat dostyq sekildi izgilik qasıetterge tárbıeleý.
Kórnekilikter: sýretter, naqyl sózder, foto - kórme.

Sabaq barysy.
Uıymdastyrý kezeńi.
Tynyshtyq sáti. Aqyryn mýzyka qoıylady. «Meniń baqytty otbasym» foto - kórmesin jasaý. Árkim óziniń otbasy týraly ondaǵy súıikti adamdary týraly, súıikti anasy týraly olardyń jaqsy qasıetterin kóz aldarynan oısha ótkizedi. Osy arqyly olarǵa degen súıispenshilikteri artyp, ezýlerine kúlki úıiriledi. Muǵalim sol kezde kózderin ashýlaryn suraıdy. Ár oqýshy óz áserlerimen bólisedi.

I. Áńgimeleý muǵalim
Qymbatty balalar! Biz búgin «Kún shýaǵyn tókken jan» atty meıirimdilik sabaǵyn bastaımyz. Sonymen birge bul sabaqtyń ózindik taǵy bir ereksheligi bar. Ol -«Bóbek» balalar qaıyrymdylyq qorynyń Prezıdenti Sara Alpysqyzy Nazarbaevanyń san - sapaly qaıyrymdylyq qyzmetine, Sara Alpysqyzynyń týǵan kúnine arnalady.
Sara Alpysqyzy 1941 jyly 12 aqpanda Qaraǵandy oblysy Qyzyljar aýylynda dúnıege kelgen. Eńbek jolyn qarapaıym qurylys jumysshysy bolyp bastaǵan. Joǵary bilimdi ekonomıs.
1992 jyldan bastap balalarǵa rýhanı, adamgershilik bilim berý jáne tárbıeleýge baılanysty máselelerdi sheshýge naqty kómek kórsetetin «Bóbek» Respýblıkalyq balalar qaıyrymdylyq qorynyń negizin qalaýshy jáne prezıdenti.
Sara Alpysqyzy jalpy rýhanı - adamgershilik qundylyqtardy qalyptastyrýdyń qaıta órleý «Ózin - ózi taný» baǵdarlamasynyń avtory bolyp tabyldy.

Aınaz:
Sara Alpysqyzyna arnaý óleńin oqý
Eńbek etip júr ekensiz, aıanbaı,
Qıynshylyq, kedergige qaramaı.
Terbetesiz, mektep bilim besigin,
Aıqara ashyp ómir sizge esigin.

Júzińizden jylylyq lep jaıdarly,
Shýaǵynan sáýleli nur araıly.
Aqyldylyq, danalylyq, daralyq,
Qazaq qyzy bir ózińnen taraıdy.

Súısindim, men, sizge qarap tamsana,
Janaryńyz «Sara apaı» tamasha.
Ulylyǵyn kórdim sizden zamannyń,
Qazaq týyn tik kótergen bir ana!

İİ. Mátinmen jumys
Sara Alpysqyzy «Ómir ádebi» degen kitabynan alynǵan úzindini oqı otyryp, oqýshylar ár adamnyń óz ómirine ózi jaýapty ekendigine nazar aýdarady, ózara pikir almasady.
«Men bala kúnimde shamadan tys qarapaıym jasqanshaq boldym. Aktrısa bolýdy armandadym, ras, aktrısa bola qoıǵan joqpyn. Biraq ómirimdi burmalamaı kórsetetin bir qarapaıym aqıqatty túsindim. Al naqtyraq alatyn bolsaq, adamdardy bir - birinen ajyratýǵa bolatyn basty aıyrmashylyq jan dúnıesi men rýhtyń úılesimi arqyly ómir súrý qabiletin aıqyndaıtyn olardyń sanasynyń damý deńgeıi eken».
(Sara Alpysqyzy)

İİİ. Shyǵarmashylyq jumys.
Oqýshylar Sara Alpysqyzyna arnalǵan óleńderdi oqıdy.
1 - oqýshy: Júregi keń, aq peıildi, dara anam,
Shákirtteriń bıik órge samǵaǵan.
Shýaq shashyp jer júzine meıirimiń,
El, Anasy atandyń sen, Sara apam!

2 - oqýshy: Bóbekterdiń byldyrlaǵan tilderi,
Elimizdiń qýanyshy gúlderi.
Tarıhynda qazaǵymnyń jasasyn,
«Bóbek» qory elimizdiń búgingi.

3 - oqýshy: Sara apa qadir tutar qasıetińiz,
Bizge qymbat ár aıtqan ósıetińiz.
Sizdiń árbir isińizden ónege alyp,
Árqashanda aldyńyzda bas ıemiz.

4 - oqýshy: Sizdi kórsem baqytta kórinedi,
Siz arqyly baqytym óriledi.
«Ózin - ózi taný» páni arqyly,
Ajyrattym aq - qarany ómirdegi.

5 - oqýshy: «Jylý» F. Ońǵarsynova.

Án: «Qos báıterek» Oryndaıtyndar: Maratova Aıaýlym, Sákenova Aqbópe

İV. Qorytyndy
Sara Alpysqyzynyń júrekten shyqqan jyly sózi adamdy tebirentip ózin - ózi tanýyna, ózin - ózi syılaı bilýine, shyn nıet, adal júrekpen bastalǵan istiń nátıjeli bolatynyn uǵyndyrady. Ár adamnyń tulǵalyq damýy árkimniń ózine, jasalǵan áreketine baılanysty bolady. Sara Alpysqyzynyń ulaǵatty ustanymdary arqyly jas urpaqtyń júregindegi ómirge, ata - anasyna, eń jaqyn adamdaryna, jalpy adam ataýlyǵa degen baýyrmaldyq, súıispenshilik, mahabbat, dostyq senimdi izgilik qasıetterin damyta túsedi.

V. Júrekten júrekke.
Balalar endi myna Sara anamyzǵa, óz analarymyzǵa, jaqyn adamdarymyzǵa eń izgi tilekterdi jazaıyq. Kim qandaı tilek aıtqanyn tyńdaıyq. Árkim óz tilegin oqyp, júrekke jabystyrady.

SHQO, Aıagóz aýdany, Órken aýyly,
“S. Nuǵmanov atyndaǵy jalpy bilim beretin orta mektep” KMM
Bastaýysh klass muǵalimi Karıbaeva Janargýl Almanovna