InfoHub Logo

Taqyryby: Kúsh bilimde
Maqsaty: Oqýshylardyń pánder boıynsha alǵan bilimderin saralaý, oı ushqyrlyqtaryn baıqaý, toppen birlese otyryp jumys isteı bilýge úıretý;
Uıymshyldyqqa, eńbekqorlyqqa tárbıeleý.

Sabaqtyń barysy:
İ. Uıymdastyrý
Kirispe sóz.
- Armysyzdar, qurmetti oqýshylar men ustazdar jáne oıynǵa qatysýshy saıyskerler! «Halyqtyń kemeline kelip, órkendep ósýi úshin eń aldymen, azattyq pen bilim qajet»dep Sh. Ýalıhanov, al Q. Sátbaev «Ǵylym maıdanynyń qatardaǵy jaýyngeri tek únemi oqý, izdený, talpyný, taný, ómir mektebinen ótý arqyly ǵana onyń iri qaıratkeri dárejesine deıin kóteriledi dep aıtyp ketkenindeı, elimizdiń bolashaǵy tek qana bilimdi jastar ekeni daýsyz. Sol bilimdi jastardy bolashaqta sender quraıtyn bolasyńdar. Osy maqsatpen búgin 4 - synyptar aptalyǵynyń on kúndigine oraı 4 synyp oqýshylary arasynda «Kúsh bilimde» atty ıntellektýaldyq saıys ótkizgeli otyrmyz. Oıynshylar eki topqa bólingen. İ - top oqýshylary «ALǴYRLAR»toby, İİ - top oqýshylary
«TAPQYRLAR» toby dep atalady.
Ár top 6 saıyskerden quralǵan. «Alǵyrlar»tobynyń top basshysy Teńelgenova Zarına, «Tapqyrlar tobynyń top basshysy Smaǵulov Mıras. Endigi kezekti top basshylaryna bereıik.
(Ár top basshy óz tobyndaǵy top múshelerimen tanystyrady)

İ top: Bastary kompúterdeı
Boılary bári birdeı
Balalyqty birge ótkizgen
«Tapqyrlarǵa»bir sálem.

İİ top: Keleshekke úmitpen qarar
Ataq - dańqqa bólener
Segiz qyrly oıshyldar
«Alǵyrlarǵa»bir sálem
Saıysymyzdy bastamas buryn ádil qazy alqasymen tanys bolamyz
------------------------------
-----------------------------
Saıys 5 kezeńnen turady.
1 - kezeń «BÁIGE»
2 - kezeń «TİL ÓNERİ»
3 - kezeń «JETİ JUMBAQ»
4 - kezeń «USHQYR OI»
5 - kezeń «SYN SAǴATY»

Ár bólimniń shartymen oıyn barysynda tanystyryp otyramyn. Endeshe senderdiń bilimge degen qushtarlyqtaryńdy dáleldeıtin «Báıge» saıysyn bastaımyz.
Bul bólimde qatysýshylar qoıylǵan 10 suraqqa tez jáne naqty jaýap berýleri kerek. Ár durys jaýapqa 1 upaıdan beriledi.

«Alǵyrlar» tobyna suraqtar:
1. Adam tirshiligine qajet jylýdy qaıdan alady?
2. Qara - kók syn esimniń qaı túri?
3. Tiktórtburyshtyń uzyndyǵy men enin kóbeıtý arqyly neni tabamyz?
4. 10 - nyń kýby neshege teń?
5. Deni saý adamnyń tamyrynyń soǵýy qansha?
6. Jalǵaýy joq septik?
7. Álsin - álsin qandaı qos sóz?
8. 3845 sanynda neshe birlik myń bar?
9. «Málimdeme» sózinde neshe býyn bar?
10. – da,- de,- ta,- te qaı septik jalǵaýlary?

«Tapqyrlar» tobyna suraqtar:
1. Aýa qospasynda eń kóp taralǵan gaz?
2. 109699 sanynan keıingi sandy tap
3. «Jetim» áńgimesiniń avtory kim?
4. Sóz maǵynasyn ózgertetin qosymsha?
5. «Ádemi» sóziniń maǵynasy?
6. Abaıdyń anasy
7. Áke - sheshe sózi qandaı qos sóz?
8. – nan,- nen,- dan,- den,- tan,- ten qaı septik jalǵaýlary?
9. «Jumysshylar» sózinde neshe býyn bar?
10. 4 - tiń kýby neshege teń?

İİ - kezeń «TİL ÓNERİ»
- Memlekettik tilmen qosa, balalar, sender orys tilin de meńgerip júrsińder. Orys tili ultaralyq til, úırengenniń artyǵy joq. qazir ár topqa 4 jumbaqtan oqımyn, sender sol jumbaqtyń sheshýin taýyp, ony orys tiline aýdarýlaryń kerek. Toptaǵy músheler bir - birińe kómektesip otyrasyńdar. Ár durys jaýapqa 2 upaı beriledi.

«Alǵyrlar» tobyna jumbaq jasyrý
1. Bilimnen mol syı asy,
Balǵyndardyń uıasy. ( mektep - shkola)
2. Ushyp - qonyp tynbaıdy, Sýǵa salsań batpaıdy,
Jerge soqsań synbaıdy Túsken jerge jatpaıdy. (dop - mách)
3. Alystan qarasań appaq
Tatyp kórseń tátti - aq (qant - sahar)
4. Aýzy beıne shalǵy - oraq,
Shóp emes biraq mal orady. (qasqyr - volk)

«Tapqyrlar» tobyna jumbaq jasyrý
1. Ózi taýdyń bókterinde ósedi
Jańa jylda úı tórine kóshedi. (shyrsha - elka)
2. Budan kir qorqady
Sýdan bul qorqady. (sabyn - mylo)
3. Onsyz astyń dámi joq,
Assyz onyń máni joq. (tuz - sol)
4. Murtymen týady,
Murtyn kúnde jýady. (mysyq - koshka)

İİİ - kezeń «JETİ JUMBAQ»
- Bul jerde ár pán boıynsha 7 suraq berilgen. Suraqtarǵa durys jaýap berseńder 3 upaıdan alasyńdar.

«Alǵyrlar» tobyna suraqtar
1 - suraq: Batyrlar jyry degenimiz ne?
2 - suraq: Biryńǵaı múshe degenimiz ne?
3 - suraq: Birdeı 4 jáshikte 80 kg júzim bar. 100 kg júzimdi salý úshin osyndaı neshe jáshik kerek?
4 - suraq: Paıdaly qazba degenimiz ne? (mysal keltir)
5 - suraq: Tabıǵı materıaldarǵa neler jatady?
6 - suraq: Chto takoe ımá chıslıtelnoe?
7 - suraq: Jeńil atletıka degendi qalaı túsinesińder?

«Tapqyrlar» tobyna suraqtar
1 - suraq: Epostyq jyrlar degenimiz ne?
2 - suraq: Qaryndash sózin jekeshe jáne kópshe túrde táýelde.
3 - suraq: Tik tórtburyshtyń uzyndyǵy 10 m, al eni odan 2 m kem. Tik tórtburyshtyń aýdany neshege teń?
4 - suraq: Taý jynystary degenimiz ne? (mysal keltir)
5 - suraq: Ikebana degenimizne?
6 - suraq: Chto takoe mestoımenıe?
7 - suraq: Ulttyq oıyn túrlerine qaı oıyndar jatady?

YI - kezeń «USHQYR OI»
- Bul jerde *saıyskerler* sózi berilgen. Osy sózden 1 mınýt ishinde birneshe sóz jasap jazýlaryń kerek. Kóp sóz jazǵan topqa 4 upaı beriledi.
(jazǵan sózderin oqytý jáne sanaý)

Ú - kezeń «SYN SAǴATY»
- Bul kezeńde top basshylary synǵa túsedi. Ár top basshyǵa 10 suraqtan qoıylady. Suraqtarǵa tez jaýap berý kerek. Ár durys jaýapqa 1 upaıdan beriledi.
«Alǵyrlar» tobynyń top basshysyna qoıylatyn suraqtar:
1. 3 - tiń kýby
2. Qoraptyń uzyndyǵy 9sm, eni 5sm, bıiktigi 2 sm. Kólemin tap.
3. Kvadrattyń perımetri 20sm, bir qabyrǵasy neshe santımetr?
4. Oqýshynyń sóziniń túbirin tap.
5. 1 tonnada neshe kg bar?
6. Zattyń sanyn bildiretin sóz taby
7. Barys septiginiń jalǵaýlaryn ata.
8. Abylaıdyń shyn esimi.
9. Uıa salmaıtyn qus.
10. 12 aı?

«Tapqyrlar» tobynyń top basshysyna qoıylatyn suraqtar
1. Ánurannyń avtorlary kimder?
2. Kúndiz kórmeıtin qus.
3. Jer betinde neshe materık bar?
4. Bilimdi sóziniń túbirin tap.
5. 81 sanynyń kvadraty.
6. Zattyń qımylyn bildiretin sóz taby.
7. İlik septiginiń jalǵaýlaryn ata.
8. Adam denesiniń tiregi ne?
9. Teksheniń bir qabyrǵasy 3 sm. Kólemin tap.
10. Qabanbaı batyrdyń shyn esimi.

- Osymen 5 kezeńnen turatyn saıysymyz da óz máresine jetti. Oqýshylarymyzdyń bilimin, sanasyn, oqýǵa degen qushtarlyǵyn oıatatyn saıystarymyz kóbeıe bersin.
Ádil qazylarǵa sóz beriledi. Jeńiske jetken top marapattalady.