InfoHub Logo

Sabaqtyń taqyryby: Kúzgi tabıǵat kórinisi
Sabaqtyń maqsaty:
1. Oqýshylarǵa jyl mezgilderin aıta otyryp, kúz aıynyń erekshelikterimen tanystyrý.
2. Ár mezgildiń ózine tán ereksheligi bolatyny týraly túsinik berý.
Damytýshylyǵy: Tabıǵat qubylystaryn beıneleýde ár túrli qubylystardy meńgerýge daǵdylandyrý. Este saqtaý qabiletin damytý.
Tárbıeligi: Estetıkalyq tárbıe berý; Tabıǵat kórinisterin beıneleý arqyly beıneleý óneri pánin jáne óz eliniń tabıǵatyn súıýge tárbıeleý.
Sabaqtyń ádis - tásilderi: áńgime, baıandaý
Sabaqtyń kórnekiligi: Túrli tústi kúzgi sýret ılústrasıasy jáne Levıtannyń «Altyn kúz» kartınasy.
Oqýshylar úshin álbom, qaryndash, palıtra, boıaý, qylqalam

Sabaqtyń barysy.
İ. Uıymdastyrý kezeńi.
amandasý
túgeldeý

İİ. Úı tapsyrmasyn suraý
Ótken sabaqtan alǵan bilimderin tekserý, oı qozǵaý, maqsatynda qaıtalaý suraqtaryn suraý:
1) Beıneleý óneri neshe túrge bólinedi?
2) Grafıka, keskindeme, sándik qoldanbaly óner degenimiz ne?
3) Beıneleý óneri túrlerine oryndaý tásiline mazmunyna baılanysty qandaı janyrlarǵa bólinedi.
4) Adam kelbetin beıneleıtin janyr qalaı atalady? (portret)
5) Jansyz zattar men buıymdardy beıneleıtin kórkem shyǵarma? (natúrmort)
6) Tabıǵat kórinisin beıneleıtin janr. (peızaj)

İİİ. Jańa sabaqty túsindirý
1. Tabıǵat degenimiz ne? (Tabıǵat bizdi qorshaǵan orta).
2. Qazir jyldyń qaı mezgili? (Kúz).
3. Kúz mezgilinde qandaı ózgerister bolady? (Japyraqtar túsedi, kún sýytady, qustar jyly jaqqa ketedi).
I. I Levıtannyń «Altyn kúz» kartınasy boıynsha áńgimelesý.
1.«Altyn kúz» kartınasynan sýretshi kúzdiń qandaı kezeńin beınelegen?
2. Nege kúzdiń osy ýaqytyn «Altyn kúz» deıdi? Sýretshi qandaı kóńil kúıdi bergisi kelgen?- degen suraqtar qoıyp, balalardyń osy sýretten alǵan áserlerin qorytyndylaımyz. Munda balalardyń mazmunyn túsingeni ǵana emes, sýretshiniń kúıin sezingenderi mańyzdy.

Sondyqtan áńgimelesýde balalardyń kúzgi tabıǵatty qabyldaýyndaǵy oılaryn, sezimderin sýret arqyly kórsete bilýlerin, tabıǵat kórinisin beıneleýde erekshe kóńil aýdarýlaryn, jyl mezgilderine baılanysty ár ýaqyttyń óziniń erekshelikteri bar ekenin jáne adam men tabıǵat árqashanda egiz ekenin aıtyp túsindirý.
Tabıǵatty asyraýshyń - qamqorshyń deseń de bolady.

M: Ata - babamyz «Jer qazyna, sý altyn, mal baılyq dep ósıet aıtyp kelgeni teginen tegin emes. Kúndelikti iship júrgen tamaǵymyz, ústimizdegi kıimimiz, oqıtyn kitabymyz, jazatyn qaǵazymyz, miner kóligimiz, aýyrǵanda paıdalanatyn dárimiz, tynys alar aýamyz, isher sýymyz – osylardyń bári jomart tabıǵattyń tartqan syıy». Sonyń ishinde kúz kórinisin erekshe alýymyzǵa bolady. Kúzde japyraqtar men taldardyń sarǵaıyp aqshyl túske bólenýi jáne jerge túsýiniń de bir ereksheligi tabıǵattyń óte kóńilsizdigin baıqaýǵa bolady. Búkil jan bitkenniń bári ózderiniń tirshiligimen jybyrlap qysqa qamyn jasaýy, egin orýy, egin jınaýy, tipti jer betindegi jándikterdiń de inine tamaqtaryn tasýy, qustardyń sýyq jaqtan jyly jaqqa qaıtýy mine, osynyń bári tabıǵat kórinisimen adam, jer betindegi jándik ataýlarynyń tabıǵat pen egiz ekenin baıqaýymyzǵa bolady.
Sondyqtanda ár mezgildiń óziniń ýaqyty jáne ózine tán ereksheligi bolatynyn bilýimizge bolady.
Oqýshylarǵa «Kúzgi tabıǵat kórinisi» týraly aıtyp túsindirip sýret saldyrý.

İV. Ózindik jumys jasatý.
V. Qorytyndylaý: Sabaqtyń aıaǵynda oqýshylardyń salǵan sýretshilerin teksere otyryp, ózderiniń sýretterine sıpattama berýin suraımyz.
Vİ. Baǵalaý.
Vİİ. Úıge tapsyrma: Sýretterin aıaqtap kelý.