InfoHub Logo

Tehnologıa 5 synyp
Taqyryby: Kıimdi jáne aıaq kıimdi kútý
Sabaqtyń maqsaty:
Oqýshylardy kıim jáne aıaq kıimdi kútýdiń gıgıenalyq talaptarymen, erejelerimen tanystyrý.
Sabaqtyń ádisi: Jeti modýl, STO tehnologıasy, «Toptastyrý» ádisi, «Shıyrshyq» ádisi
Kútiletin nátıje: Ómirmen baılanystyrý arqyly kıimdi jáne aıaq kıimdi kúndelikti kútý daǵdysy qalyptasady, uqyptylyq, jınaqylyq jáne jalpy eńbekke baýlý qabiletteri artady.
Sabaq kórnekiligi: Daıyn ártúrli buıymdar /aıaq kıim, kıim túrleri t. b/ ınteraktıvti taqtadaǵy slaıd - shoý, sýretter, jýrnaldar.
Resýrstar: tigin mashınasy, qaıshy, túrli - tústi qaǵaz, stıkerler, plakat, flomasterler, karandashtar, jelim t. b
Pánaralyq baılanys:
Medısına, beıneleý óneri, bıologıa, fızıka, hımıa, syzý, mýzyka, orys tili

Sabaqtyń barysy:
Uıymdastyrý:
1. Oqýshylardy túgendeý
2. Synypty «Dúkende» oıyny arqyly 4 topqa bólý:
«dúkendegi taýar»- tórt túrli kıimniń sýreti, «aqsha»- ózi týraly jaqsy sóz,
«satýshy»- muǵalim, «tutynýshy»- oqýshylar
/ satyp alǵan taýarlarynyń túrlerine baılanysty 4 topqa bólinedi /

Úı tapsyrmasyn suraý: / suraqtar ınteraktıvti taqta arqyly beriledi /
İ top:
1. Matanyń uzyndyǵy men enin anyqtaý belgileri
2. Segiz búktep qıý ádisin kórsetý
İİ top:
1. Matanyń oń jáne teris betin anyqtaý belgileri
2. Alty búktep qıý ádisin kórsetý
İİİ top:
1. Qol jumystary, tigis túrleri
2. Tórt búktep qıý ádisin kórsetý
İÚ top:
1. Tigin mashınasynyń túrleri, jip sabaqtaý qurylysy
2. Eki búktep qıý ádisin kórsetý

Qyzyǵýshylyǵyn oıatý
/ «Zymyran» suraqtar ınteraktıvti taqtada sýretter arqyly kórsetiledi /
Matanyń uzyndyǵy men enin anyqtaý belgileri→ Matanyń oń jáne teris betin anyqtaý belgileri →Qol jumystary →Tigin mashınasyndaǵy jumystar→KIİM→ KIİMge sáıkes AIAQ KIİM tańdaý → KIİM JÁNE AIAQ KIİMDİ KÚTÝ / «toptastyrý» ádisi /

Maǵynany taný
Sabaqtyń taqyryby: Kıim jáne aıaq kıimdi kútý
Kıim jáne aıaqkıim tabıǵattyń ártúrli qolaısyz jaǵdaılarynan qorǵaıdy. Adam aǵzasyn qalypty temperatýrada ustaýǵa septigin tıgizedi, ádemi de áserli kórinýge kómektesedi. Jas aǵzanyń eresek aǵzadan ereksheligi únemi ósip otyrýynda, sondyqtan durys kıim tańdap kıý aǵzanyń qalyptasýyna zor septigin tıgizedi. Eń negizgisi - kıim ólshemi jaǵynan boıǵa, denege saı bolýy qajet. Sonyń ishinde balalar kıimine asa zor mán beriledi. Eger balanyń kıimi aýyr bolsa, ol tez sharshaıdy. Sondyqtan jumsaq, jyly, ońaı jýylatyn, shań - qońy tez ketetin matalardan tigilýi qajet.
Jyly kúnderi - ashyq tústi, sebebi kúnniń kózin shaǵylystyrady, al sýyq kúnderi - kúńgirt tústi kıimder kıgen jón.
Aıaqkıim - negizgi kıim-keshektiń biri bolyp sanalady. Aıaqkıimdi kúni boıy kıip júrgendikten, ol aıaqqa yńǵaıly bolýy qajet.
Toppen jumys úshin ınteraktıvti taqtada kórsetilgen taqyryp boıynsha ár top tapsyrmalaryn berilgen flıpchartta qorǵaıdy.

İ top: «Kıimniń gıgıenalyq talaptary»
Balalarǵa arnalǵan kıimder aýa ótkizetin materıaldardan jasalady. Sebebi bala aǵzasynyń durys demalýyna áser etedi. Eger kıimdi uzaq ýaqyt jýmaıtyn bolsa, onda oǵan terder bólingen tuz jáne basqa zattar sińip, teriniń demalýyna keri áserin tıgizedi. Nátıjesinde ter bóliný qyzmeti nasharlaıdy. Bul aýrý týdyratyn mıkrobtardyń paıda bolýyna, kóbeıýine alyp keledi. Aýrýdy boldyrmaýdyń eń jaqsy tásili – jeke bastyń gıgıenasyn saqtaý. Sondyqtan kıim jyl mezgilderine, aýa raıyna, jas erekshelikterine, ortasyna saı tańdalýy qajet.