Latyn álipbıine kóshý aıasynda jeke kujattar aýystyryla ma
Qazaq álipbıiniń latyn nusqasy resmı túrde bekitilgennen keıin osy saladaǵy sharalar jospary qolǵa alynady. Sonyń ishinde jeke kýálikterdiń jańa nusqasyn shyǵarý da bar.
«Árıne, bul shara asa ózekti jáne árbir azamatqa qatysty. Onyń aıasynda jeke kýálikter de aýystyrylady. Alaıda ol jumys birtindep atqarylady. Máselen, qazirgi qujattar jazylǵan merzimine deıin de jaramdy bolady. Ýaqyty aıaqtalǵanda aýystyrylady», - dedi Úkimet basshynyń orynbasary Erbolat Dosaev búgin latyn álipbıiniń biryńǵaı standartyn tanystyrýǵa arnalǵan parlamenttik tyńdaýda.
Onyń aıtýynsha, biryńǵaı standart bekitilgen boıda bilim berý salasyna qatysty biraz sharalardy atqarý qajet. Aldymen maman daıarlaý máselesine basa nazar aýdarǵan jón. Osydan keıin ol bilimdi xalyq arasynda keńinen taratý qajet. «Osy oraıda latyn álipbıin meńgerý boıynsha oqý-ádistemelik quraldardy, mobıldi qosymshalar men aqparattyq baǵdarlamalardy shyǵarǵan mańyzdy. Atalǵan sharalardyń barlyǵy ýaqytyna qaraı úılestiriledi jáne bir-birimen baılanystyrylady. Osynyń arqasynda biz latyn álipbıin júıeli túrde engize alamyz», - dep atap kórsetti Úkimet basshysynyń orynbasary.
Aıta keteıik, búgin QR Parlamenti Májilisinde Shaıaxmetov atyndaǵy tilderdi damytýdyń respýblıkalyq ortalyǵynyń dırektory Erbol Tileshov latyn álipbıiniń biryńǵaı nusqasyn tanystyrdy.
Derekkóz: QazAqparat
You Might Also Like
-
2025 jylǵa qaraı latyn álipbıine tolyqtaı ene alamyz. Bul týraly Sh. Shaıahmetov atyndaǵy respýblıkalyq ortalyǵynyń dırektory Erbol Tileshov málim etti.
-
(Mektep shákirti úshin jazylǵan). Halqymyzdyń boıynda jınaqtalǵan asyl muralarymyzdy eske alyp otyrsaq, olardyń bizge qymbat ári qasterli ekendigin uǵa túskendeı bolamyz. Sondaı qasıetti uǵymdar o...
