InfoHub Logo

Shaısultan Shaıaxmetov atyndaǵy tilderdi damytýdyń respýblıkalyq ortalyǵynyń dırektory Erbol Tileshovtiń aıtýynsha, qazirgi kezde arnaıy mamandar latyn álipbıiniń biryńǵaı nusqasyna qatysty barlyq usynystardy qattap jatyr.

«Bizde aqparat jáne monıtorıń degen bólim bar. Sol jerde tórt-bes qyzmetker barlyq usynystar men esketýlerdi baqylap, xalyqtan túsken pikirlerdi qattap jatyr. Sonyń bárin álipbıdiń áleýmettik-qoǵamdyq máselesine qatysty suraqtar dep bólip jatyr. Ol - bir. Ekinshi - jalpy tilge qatysty suraqtar. Úshinshi - týra álipbıge qatysty suraqtar. Sóıtip, úsh blokqa bólip, jumys tobynyń qaraýyna usynamyz», - dedi Tileshov búgin Ortalyq komýnıkasıalar qyzmetinde ótken baspasóz máslıxatynda.

Erbol Erdenbekuly latyn álipbıiniń biryńǵaı standartyna qatysty xalyq tarapynan san alýan pikirlerdiń aıtylyp jatqanyna qýanyshty ekenin jetkizdi. Sebebi bunyń ózi xalyqtyń osy máselege beıqam emestigin, jany ashyǵannan keıin pikir bildirip jatqanyn kórsetse kerek. «Sondyqtan bul jerde «oń» men «teris» dep bólmeı, pikirdiń qaısysy durys, qaısysy qonymdy, sol jaǵyn qaraýymyz qajet. Biz ondaı azamattarymyzǵa raqmetten basqa aıtarymyz joq. Kerek bolsa, sondaı azamattardy komısıaǵa shaqyryp, tyńdaýǵa daıynbyz», - dep atap kórsetti ortalyq basshysy.

Aıta keteıik, keshe QR Parlament Májilisinde ótken tyńdaýda latyn álipbıiniń biryńǵaı nusqasy tanystyryldy.

---