InfoHub Logo

Qytaıdyń jasap shyǵarǵan Tik-Tok qoldanbasy búkil álemniń nazaryn ózine aýdartty. Qolyń bosaı qalǵanda smartfondaǵy osy qoldanbaǵa úńilemiz de qalamyz. Sıqyry bar ispetti. 15-30 sekýndtyq beınerolıkterdi kórip aldanamyz,ýaqyttyń qalaı ótkenin bilmeı qalamyz. Trendtegi beınerolıkterdi qaıtalap,qolymyzdan kelgenshe bar ónerimizdi kórsetip,túsiremiz. İzdeý batyrmasyn bassań,kerektiniń bári aldyńnan shyǵady. "İzdegeniń aldyńnan izdemeı-aq tabylady". Bul áleýmettik jelini qoldanatyndar ekige bólinedi: eliktirip alyp ketetindeı beınerolık túsiretinder jáne qoldanbanyń tamashalaýshy kórermenderi. Bári de bar. Qara pıar ustap,"atyń shyqpasa jer órte" degendeı,tanymal bolamyn dep tyrmysyp,adamnyń basyna qonbaıtyn túrli is-áreketke baratyndar qazirgi ýaqytta kózge úırenshikti bolyp barady. Serýendeýge shyǵa qalsań smartfonǵa qarap sekeńdep bılegen kishkentaı baladan,"bir aıaǵy kórde,bir aıaǵy tórde" turǵan qaýsaǵan qartty da kóresiń. Jahandaný zamanynda Batystyń mádenıeti enip,ulttyǵymyz ben tilimizden bezemiz be dep qorqamyn. Aqylǵa qonatyn dúnıelerdiń azaıyp,adam balasynyń oıyna qonymsyz dúnıelerdi shyǵaryp,ózine baýrap alatyn bul áleýmettik jeliniń qandaı sıqyry bar eken? 

Turǵanbek Bıbifatıma

---