InfoHub Logo

Maqsatqa tek qatelik jasap, tájirıbe jınaý arqyly jetesiń.

Tomas Edıson

Ár adamnyń ómirindegi eń mańyzdy, ári jaýapty tańdaýlardyń biri – bolashaq mamandyqty tańdaý. Bizdiń aldymyzda san-túrli joldar tur. Meniń oıymsha, ár adam óziniń ishki dúnıesine senip, júreginiń qalaýy boıynsha bolashaq mamandyǵyn tańdaý kerek. «Bolashaqta kim bolamyn?» degen suraq – tulǵa retinde qalyptasýǵa talpynǵan jas urpaq, men jáne meniń qatarlastarym úshin myń tolǵana, kúmándana oı túıýge múmkindik beretin asa mańyzdy suraq.

Osy suraqqa jaýap bere otyryp bizdiń boıymyzdaǵy eń alǵyr qasıetterimiz, qundylyqtarymyz, kásibı baǵytymyz anyqtalady. Osynyń barlyǵyn eskere otyryp, men de barynsha durys sheshim qabyldaǵa tyrystym. Bala kezinen ermek qylyp júrgen isiń-ertińine bolashaq mamandyǵyń bolyp shyǵa kelýi ábden múmkin. Men birshama ýaqyt boıy bolashaq mamandyǵymdy naqty tańdaı almaı, biraz adastym. Ájemniń sara jolyn qýalap, aq halatty abzal jan bolǵym keldi. Biraq, kishi kezimnen qalam men qaǵazdy ermek qylyp júretinmin. Ómirimde bolǵan qyzyqty oqıǵalardy qaǵaz betine túsirip, artynsha vıdeo túsirgendi unatatynmyn. Bala kezimdegi, bylaı qarasań, jaı ǵana qyzyǵýshylyǵym – qazirgi ýaqytta meni jýrnalısıka degen úlken salamen tanystyryp otyr.

Jýrnalısıka – qıyndyǵy men qyzyǵy mol, jan-jaqty bilimdilikti, árdaıym izdeniste bolýdy talap etetin jaýapty sala. Endeshe, meniń túsinigim boıynsha jaqsy jýrnalıs bolyp shyǵý úshin boıyńda qandaı qasıetter bolý kerek?

Meniń oıymsha, jaqsy jýrnalıs – ol alǵyr, talapshyl, eńbekqor, jaýapkershiligi mol, aıtqan sózi mándi de sándi, tyńdaýshyny, tipti, alǵashqy sózderden-aq qyzyqtyryp, tarta biletin adam.

Siz elimizdegi jýrnalısıka salasy jaıly qandaı pikir ustanasyz? Qazaqstandyq jýrnalısıka daǵdarysta degen sybystardy, ókinishke oraı,  jıi estıtin boldym. Qoǵam arasynda jýrnalıser jaıly jaǵymsyz aqparat estý – bolashaq jýrnalıs úshin óte aýyr nárse. Osy salanyń mamany bolýymnyń taǵy bir sebebi osyda. Elimizde bul salanyń san ǵasyrlyq tarıhy bolsa da, menińshe, áli de baǵyndyratyn belester barshylyq. Men jýrnalısıkany úlken deńgeıge shyǵaryp, Qazaqstan jýrnalıseriniń dańqyn kótergim keledi. Bul maqsatymdy oryndap, elimizge tamshydaı bolsyn, óz úlesimdi qosqym keledi.

Osy oılarymdy qoryta kele, meniń aldyma qoıǵan maqsattarym – meniń bolashaǵymnyń úlken bóligi. İshki jan dúnıemniń qalaýy boıynsha qabyldaǵan sheshimim durys ekenine kámil senemin. Óz isimniń sheberi bolyp, osy salany odan ary asqaqtatqym keledi. Men jýrnalısıka mamandyǵyn tańdaımyn!

---