InfoHub Logo

Logıkalyq matematıka kýrsyna arnalǵan kúntizbelik jospary men dıdaktıkalyq oıyndar jáne logıkalyq tapsyrmalar.

Túsinik hat
Matematıka ǵylymy - shyn dúnıeniń sarqylmaıtyn jáne múmkin bolatyn sandyq qatynastary men keńistik ǵylymyn zertteıtin ǵylym.
Bul baǵdarlama oqýshyny matematıkalyq kýrs baǵdarlamasyndaǵy tapsyrmalarmen shektep qoımaı, tabıǵat bergen qabiletterin ashýǵa múmkindik jasaıdy. Bul pán oqýshynyń ómirge tanym, túsinigin molaıtyp, shyǵarmashylyq qabiletin shyńdap, ǵylymǵa, ushqyr oılaýǵa qyzyǵýshylyǵyn ashady.
Logıkalyq tapsyrmalardy oryndaý barysynda oqýshy ózdiginen oılanyp, óz shamasyn ózgelermen salystyra otyryp, ushqyr oılaýǵa talpynady. Jeńilden qıynǵa, ońaıdan kúrdelige kóshý, birizdi bilim berý júıesin shyńdaı túsedi.
Berilgen «Logıkalyq matematıka» pánin oqý arqyly oqýshylardy izdempazdyqqa jáne ózine senimdi bolýǵa umtyldyrady, aqyl - oı deńgeıin qalyptastyrady. Bul pán balanyń boıyndaǵy qorqynysh pen «qate jasap qoıamyn - aý» degen mazasyz oılar tómendeıdi de, senimdilik pen turaqtylyq damıdy.
Matematıka kýrsy balanyń oı - órisin damytyp qana qoımaı, ony baıqaǵyshtyqqa, shapshandylyqqa, oıyn dáleldeýge úıretedi. Logıkalyq matematıka kýrsy aptasyna bir ret oqytylady.

Pán boıynsha oqý júktemesiniń kólemi:
2 synyp – aptasyna 1 saǵat, barlyǵy 34 saǵat.

Baǵdarlama negizgi 3 bólimnen turady. Ár bólim oqýshylardyń oı órisin jetildirip, sanasyn saralaýyna múmkindik alady.

Logıkalyq matematıka baǵdarlamasynyń maqsattary:

 matematıkalyq bilim, bilik jáne daǵdyny ıgerý;
 matematıka kýrsynyń mazmuny arqyly tanymdyq jáne kommýnıkatıvtik is - áreket pen ózdiginen bilim alýǵa jáne eńbekke beıimdelý, sondaı - aq ata - dástúr, ádet - ǵuryp, salt - sana, halyqtyq jáne ulttyq bolmysty dúnıejúzilik mádenı muralarmen úndestúrý arqyly balany tulǵa retinde qalyptastyrý;
 oqýshynyń aqyl - oıynyń matematıkalyq stılin, ıntellıktýaldyq jáne erik pen sezimge qatysty sapalaryn damyta túsý;
 mekteptiń negizgi satysynda oqýǵa, meńgergen matematıkalyq bilimderin ómirde qoldanýǵa jan - jaqty daıyndalýdy júzege asyrý.

Logıkalyq matematıka baǵdarlamasynyń mindetteri:

 balany tulǵa retinde qalyptasýyna, aqyl - oıyn damytýǵa, ıntellektýaldyq jáne erik pen sezimge qatysty belsendiligin qalyptastyrýǵa septigin tıgizý;
 matematıkanyń ómirde bolyp jatqan naqty qubylystardy jalpylaýǵa jáne qorshaǵan bolmysty tanyp - bilýge kómektesetin ǵylym bolyp tabylatyny týraly túsinikterdiń qalyptasýyna yqpal etý;
 oqýshynyń ómir súrýine jáne mekteptiń kelesi deńgeıinde oqýyn jalǵastyrýy úshin qajetti bilim, bilik jáne daǵdylaryn qalyptastyrý.

Logıkalyq matematıka baǵdarlamasynyń zertteý obektileri:

 teris emes bútin sandar nýmerasıasy;
 asa mańyzdy shamalar men olardyń ólshem birlikteri;
 arıfmetıkalyq amaldar jáne olardyń qasıetteri;
 esepteý tásilderi jáne sáıkes birlik pen daǵdylardy qalyptastyrý;
 esep jáne ony sheshý prosesi;
 algebranyń elementteri;
 geometrıa elementteri.

2 synyp

Teris emes bútin sandar men shamalardyń arıfmetıkasy - 8 saǵat

Eki tańbaly jáne úsh tańbaly sandardy shyǵaryp alý týraly túsinikterin keńeıtý. Sannyń ondyq júıede jazylýyndaǵy ornyna baılanysty sıfrlardyń mániniń ózgeretindigi. Shamalar, olardy ólsheý jáne salystyrý. Uzyndyqqa, massa, syıymdylyq, ýaqyt aralyǵy jáne olardyń ólshem birlikteri. Eki amalmen shyǵarylatyn esep jáne onyń ereksheligi. Qosýdyǵy aýystyrymdylyq jáne terimdilik qasıeti. Eki tańbaly jáne úsh tańbaly sandardy razrádtik qosylǵyshtarǵa jikteý. Qosýdyń durystyǵyn azaıtýmen, azaıtýdyń durystyǵyn qosýmen tekserý.

Algebra elementteri - 14 saǵat

Týra jáne týra emes sandardy teńdikter men teńsizdikter týraly uǵymdaryn qalyptastyrý. Árippen tańbalanǵan belgisizi bar teńdik retindegi teńdeý. Qarapaıym jáne kúrdeli qurylymdy teńdeýlerdiń bolatyny týraly túsinik berý. Jaqshaly órnekterde arıfmetıkalyq amaldardyń oryndalý reti. Qarapaıym teńdeýlerdi týra teńdikterdiń qasıetterine jáne qosý men azaıtý keri amaldar bolatynyna súıenip sheshý.

Geometrıalyq elementteri - 8 saǵat

Geometrıalyq uǵymdarǵa anyqtama berý. Syzyqtardyń túrleri jáne kópburyshtyń shekaralarynyń tuıyqtarǵan synyq syzyqtar bolatyndyǵy. Buryshtardyń jiktelýi. Tik tórtburyshtyń sharshy anyqtamalaryn, kópburyshtyń qabyrǵalarynyń qosyndysynyń perımetri ekenin bilý.

Bilim, bilik, daǵdyny tekserý - 4 saǵat

Test. Baqylaý jumystary.

2 synypqa arnalǵan «Logıkalyq matematıka» kýrsynyń kúntizbelik jospary

 Maqsaty: 100 kólemindegi sandardy jáne sáıkes shamalardy aýyzsha jáne jazbasha qosý, esepteý tásilderi, sannyń quramy, esepter qurý, olardy ártúrli tásilmen sheshý, shamalardy órnekteý, kúndelikti ómirde qoldana bilý, geometrıalyq fıgýralar týraly tolyq túsinik alý, olardy salý, salystyrý, kóbeıtý jáne bólý amaldaryn oqýǵa daıarlyq jasaý, kestelik qosý, azaıtý bólimderin meńgerý.
 Meńgeriletin bilim, bilik, daǵdy: Birlik, ondyq, júzdikpen sanaý, amaldardyń oryndalý reti, jaqshaly órnekterdi sheshý, esepteý tásilderi, ólshem birlikteri, geometrıalyq fıgýralardy ólsheý, sal. Olardyń qasıetteri, sannyń quramy, kestelik, kesteden tys qosý, azaıtý, esepter, eseptiń qurylymy.

Qurastyrǵan: Bastaýysh synyp muǵalimi
Qıashova Marjan Jumaǵalıqyzy
Logıkalyq matematıka kýrsyna arnalǵan kúntizbelik jospary men dıdaktıkalyq oıyndar jáne logıkalyq tapsyrmalar. júkteý