InfoHub Logo

Mádı Bápıuly (1880-1924) — halyq aqyny, ánshi-kompozıtor. Ol Qaraǵandy oblysynyń Qarqaraly aýdanynda dúnıege kelgen. Qaz daýysty Qazybek bıdiń urpaǵy. Jasynan-aq ánshilik, dombyrashylyǵymen aty shyǵady. Aqan seri, Birjan sal, Balýan Sholaq, Úkili Ybyraı sıaqty sańlaqtarmen kezdesip, óner saıysyna túsedi, ónege alady. Jalǵan jala jabylyp, jazyqsyz abaqtyǵa túsedi. Túrmede elin, jerin saǵynyp, ádiletsiz zamanǵa qatty nalyp «Qarakesek» ánin shyǵarady. Mádıdiń budan basqa da «Úshqara», «Shirkin-aı», «Mádı» atty jan sezimin, kóńil kúılerin beıneleıtin shabytty shyǵarmalary bar. Bul ánderdiń birazy keıingi qazaq operalarynda paıdalanylýda.

Mádı 1916 jylǵy halyq-azattyq kóterilisine ún qosqan. Patshanyń jergilikti ákimderiniń ozbyrlyǵyn áshkereleıtin jyrlar tolǵaǵan. Mádı

Bápıulynyń án mátinderinen basqa óleńderi áli jınaqtalmaǵan.

Mádıdiń shyǵarmalary týraly A.Jubanov zertteý eńbekter, al Á.Ábishev «Naızaǵaı» atty roman, Á.Bektasov «Mádı» atty kitap jazdy.

---