InfoHub Logo

Ádebıet 5 synyp
I. Taqyryby: M. Jumabaev "Saǵyndym" óleńi.
II. Maqsaty: 1) M. Jumabaev ómiri men shyǵarmashylyǵyn meńgertý, óleńderiniń mánin ashý.
2) Tilin, oı - sanasyn damytý arqyly shyǵarmashylyqqa baýlý.
3) Týǵan jerin, otanyn súıe biletin ultjandy urpaq qalyptastyrý.
Sabaq kórnekiligi: ınteraktıvi taqta.
Sabaq túri: aralas sabaq, jańa sabaq ótý.

Sabaq ádisi: deńgeılep damyta oqytý.
İİİ. Sabaq barysy:
1) Uıymdastyrý, sabaqqa daıyndaý.
Asan qaıǵy, Jırenshe
Sóılep ótken qazaq til.
Áz Jánibek, Qoılybaı
Syılap ótken ǵajap til

Osy tildi jek kórgen
Dúnıeden qalar qur
Baǵalasań shynymen
Baba tiliń asyl - dúr.
Qojabergen jyraýdyń asyl sózimen sabaqty ashqandy jón kórdim.

Abaı:
"... Adam balasy adam balasynan aqyl, ǵylym, ar, minez degen nárselermen ozady. Onan basqa nárselermen ozdym ǵoı demektiń bári de - aqymaqshylyq" sizderge osy óleńdi maqsat etip qoıamyn.
2) Úıge berilgen tapsyrmany suraý: M. Jumabaev ómiri, shyǵarmashylyǵy. "Qysqy jolda" óleńi
Taqtaǵa uıashyqtar shyǵady. Oqýshylar sol uıashyqty tańdaıdy, uıashyqtan suraqtar jazylyp shyǵady, suraqtarǵa jaýap beriledi.
1. M. Jumabaev ómiri, shyǵarmashylyǵy.
2. "Qazaq tili" óleńin jatqa aıtý.
3."Túrkistan" óleńin jatqa aıtý.
4."Men kim" óleńi.
5."Súıemin" óleńi.
6."Men jastarǵa senemin" óleńi.
7."Qysqy jolda" óleńin jatqa aıtý.
8. Óleń mazmuny.
9. M. Jumabaevtyń qandaı poemalary bar?

Muǵalim:
Oqýshylar biz M. Jumabaevtyń ómiri, shyǵarmashylyǵymen tanystyq, kóptegen óleńderin jattadyq. Keńestik dáýirde ult táýelsizdigi úshin kúresken ádebıettiń bes arysy: M. Jumabaev,
J. Aımaýytov, Sh. Qudaıbergenuly, M. Dýlatov, A. Baıtursynovtar edi. Kezinde jazyqsyz jalaǵa ushyrap, tutqyndaldy. Mine, osy M. Jumabaevtyń Omby túrmesinde otyryp jazǵan "Saǵyndym"
óleńi.

IV. Jańa sabaq: M. Jumabaevtyń "Saǵyndym" óleńi
Muǵalim "Saǵyndym" óleńin jatqa oqıdy. Óleń týraly túsinik beriledi. "Elim","jurtym","ultym" dep jyrlaǵan Maǵjanǵa "ultshyl" degen aıyp taǵylyp túrmege otyrǵyzyldy.

Oqýlyqpen jumys:
1. Oqýshylarǵa mátin oqytylady.
2. Mátindegi maǵynasy túsiniksizdeý sózderdiń astyn syzý.

Sózdikpen jumys:
Alash -
1. qazaq taıpalarynyń eń alǵash qaýym bolyp birikken odaǵy.
2. erte zamandaǵy qazaq rýlarynyń urany.
3. el, jurt, qaýym,"qazaq" deýden burynǵy eldiń jalpy ataýy.
Zar - qaıǵy, qasiret, muń, sher.
Sibirlep - tańnyń bozaryp atýy.
Tapal - alasa, jataǵan.

Deńgeılik tapsyrmalar beriledi.
İ deńgeı.
1. Aqyn abaqtyǵa kimder úshin tústi?
2. Aqyn kimderdi, neni saǵynypty?
İİ deńgeı.
1. Aqynnyń qaısar minezin óleńniń qaı tustarynan kóremiz?
2. Abaqtyny sýrettegen óleń joldary
İİİ deńgeı.
1. Óleń arqyly aqynǵa minezdeme jaz
2. Abaqtyny sıpatta.
3. Ózińdi tolyqtyryp - tebirentken óleń joldaryn oqy.
Muǵalim: Balalar, óleń joldary tarmaqtan, shýmaqtardan
quralady. Óleńniń ár bir joly tarmaqtan turady. Tórt tarmaq bir shýmaq bolady. Ár tarmaqta óleń býynǵa bólinedi. Ár tarmaqta qansha daýysty dybys bolsa, sonsha býyn bolady.
Sonymen balalar biz Maǵjan Jumabaev shyǵarmashylyǵyn bildik, meńgerdik. Maǵjan qandaı aqyn eken? Toptastyrý strategıasy boıynsha Maǵjan - ultyn shyn súıgen aqyn, syrshyl aqyn dep
tanydyq. Olaı bolsa, oqýshylar búgingi sabaqta jaqsy jaýap bergen oqýshylar baǵalanady. Baǵalaýda taqtada ashyq jýrnal ilinip turǵan bolatyn. Sol jýrnalǵa ár tapsyrmada belgi qoıylyp, sońynda baǵa qoıylady.

Úıge tapsyrma.
M. Jumabaev "Saǵyndym" óleńin jattaý

Kózderinde ot oınar,
Sózderinde jalyn bar,
Jannan qymbat olarǵa ar
Men jastarǵa senemin
M. Jumabaev óleńimen sabaqty aıaqtaımyn.