InfoHub Logo

Májilistiń plenarlyq otyrysynda depýtat Irına Smırnova muǵalimderdiń jumysyn baǵalaý júıesine ózgerister engizýdi usyndy.

Smırnovanyń aıtýynsha, jas muǵalim men balabaqsha tárbıeshisiniń jalaqysy respýblıkadaǵy ortasha eńbekaqy kóleminen kem bolmaýy kerek. Depýtat osy rette bilim berý salasy qyzmetkerleriniń kezekten tys attestasıasyna qatysty da syn aıtty. Iaǵnı, pedagogtyń jalaqysyna ústeme tek emtıhandy sátti tapsyrǵannan keıin ǵana qosylady. Salalyq mınıstrlik ókilderi atestattaý muǵalimniń qalaýymen ǵana júrgiziletinin aıtqan bolatyn. Degenmen, bul synaqqa is júzinde eńbekaqysyn kótergisi keletin mamandar ǵana qatysýǵa májbúr.

Irına Smırnova, QR Parlamenti Májilisiniń depýtaty:

- İs júzinde ár pedagog jalaqysyn arttyrý úshin synaqtar tapsyrýy kerek. Máselen, ótken jylǵy kezekten tys atestattaý mektep oqýshylarynyń emtıhandary kúnderimen tuspa-tus keldi. Bul jaǵdaı bıyl da qaıtalanbaq. Bul sharalardyń barlyǵy muǵalimderdiń áleýetin arttyrýǵa kedergi. Júıege ustazdardyń ózderine yńǵaıly bolatyn ózgerister engizilse deımin.

 

---