InfoHub Logo

Taqyryby: Mamandyǵym – maqtanyshym
Men úshin jaqsy muǵalim bárinen de artyq, óıtkeni muǵalim – mekteptiń júregi. (Y. Altynsarın)

Ustaz – uly esim, ulyq maman ıesi. Óıtkeni ustaz jaratylysynan ózine aıtylǵannyń bárin jete túsingen, eshnárseni umytpaıtyn, alǵyr da ańǵarympaz aqyl ıesi, meılinshe sheshen, óner – bilimge qushtar, asa qanaǵatshyl, jany asqaq jáne jaqynyna da, jat adamdarǵa da ádil, jurttyń bárine jaqsylyq pen izgilik nuryn tógetin, qorqynysh pen jasqanýdy bilmeıtin batyl, erjúrek jandar.

«Bala júregi – kishkentaı kúısandyq. Ol kúısandyqtyń kiltin tapsań ǵana ashylady. Muǵalimniń qolynda ár kezde sol kilt júrýi kerek» deıdi zańǵar aqyn Muhtar Shahanov.

Jas urpaqtyń bilimdi de bilikti, parasat – paıymy mol, sanaly da sarabdal azamat bop jetilýi úshin tálim men tárbıe berip júrgenim meniń keýdemde maqtanysh sezimin oıatyp, ózime artylǵan senim júginiń salmaǵyn arttyra túsedi.

Jańalyqtardy jatsynbaı qabyldaıtyn, ulttyq qasıetterimizdiń asyldaryn asqaqtata otyryp, shákirtteriniń janyna quıatyn ustaz qaýymynyń mártebesi joǵary, mereıi ústem bolǵaı.

Halqymyzdyń ǵasyrlar boıy armandap, san ǵasyrlar toǵysynda qol jetkizgen baqyty – táýelsizdigimiz. Onyń irgetasynyń myqty bolyp, nyǵaıýy jas urpaqtyń tereń bilimi men tálimdi tárbıesinde. Endeshe, osy maqsatta barlyǵymyz birge kúsh jumsap, el erteńine senimmen qaraıyq, aıaýly da ulaǵatty áriptester!