InfoHub Logo

Ádebıet 5 - synyp
Sabaqtyń taqyryby: A. S. Pýshkın «Balyqshy men balyq» ádebı ertegisi (Ahmet Baıtursynovtyń aýdarmasy)
Sabaqtyń maqsaty:
Oqýshylarǵa A. Baıtursynovtyń qazaq ádebıetindegi ornyn túsindirý, A. S. Pýshkınniń shyǵarmasy A. Baıtursynovtyń aýdarmasy «Balyqshy men balyq» ertegisiniń mazmunymen tanystyryp, ıdeıalyq - taqyryptyq mánin ashyp taldaý; qanaǵatsyz, paryqsyz balyqshy kempiriniń shalyna, altyn balyqqa jasaǵan astamshylyǵyn, qıanatyn, óreskeldigin dáleldeı otyryp, qomaǵaılyqtan tartqan sazaıyn sıpattaý arqyly oqýshylardy osy qasıetterden jırendirý;

Sabaqtyń mindetteri:
1. Oqýshylar birlese yntymaqpen jumys atqaryp, mátinniń mazmunyn meńgeredi, birige qorytyndy jasaıdy.
2. Oqýshylar shyǵarmany uǵynyp oqyp, ár nárseniń qanaǵaty bolatynyn baǵamdaıdy, jaqsy men jamandy ajyrata bilýge, adamgershilikke tárbıelenedi.
3. Ózgelerdiń pikirin tyńdaı otyryp, shyǵarmashylyqpen jumystanady. Oqýshylardyń synı kózqarasy qalyptasyp, ózindik pikirin dáleldeı alý baǵytynda túrli iskerlik tapsyrmalar oryndaıdy.
Sabaqtyń naqyly: Qanaǵat qaryn toıǵyzar,
Qanaǵatsyz jalǵyz atyn soıǵyzar. (Maıqy bı)
Sabaqtyń túri: Jańa sabaqty meńgertýde iskerlik pen daǵdyny qalyptastyrý.
Qoldanylatyn strategıalar: STO strategıalary: Oılaný baspaldaǵy, RAFT, T kestesi, Sońǵy sózdi maǵan qaldyr, Avtor oryndyǵy.
Qoldanylatyn kórnekilikter: A. Baıtursynovtyń jáne A. S. Pýshkınniń portreti men tanymdyq álbomdary, «Balyqshy men balyq» ertegisiniń vıdeojazylymy, mýltımedıalyq slaıdtar, ınteraktıvti taqta, betsheler.
Baǵalaý: muǵalimniń jeke baqylaýy boıynsha baǵalaý.

Sabaqtyń júrisi:
1. Qyzyǵýshylyqty oıatý.
«Oılaný baspaldaǵy» strategıasy boıynsha
Kútiletin nátıje: Úı tapsyrmasyn tekserý, ótkendi qorytyndylaý.
2. Maǵynany taný. Aýdarmashy Ahmet Baıtursynov týraly maǵlumat berý;
Ahmet Baıtursynov - balalardy oqý - bilimge shaqyryp, kóp jyldar boıy ustazdyq qyzmet atqarǵan aǵartýshy - pedagog, qazaq til biliminiń irgetasyn qalaýshy, sóz qudiretin tanytqan aqyn, pýblısıs, týǵan halqynyń rýhanı dúnıesin kóterýge kóp kúsh jumsaǵan mádenıet qaıratkeri, óz eline adal qyzmet atqarǵan qoǵam qaıratkeri.

A. Baıtursynov aýdarmalary týraly málimet
Avtorlary ------------------- Aýdarmalary
A. S. Pýshkın ---------------- "Balyqshy men balyq", "Danyshpan Alıktiń ajaly", "At", "Altyn átesh"
M. Iý. Lermontov ----------"Msyrı"
Arab tilinen -----------------«Nábik aty»
Valter ------------------------«Altyn átesh»
S. Ia. Nadson ------------------«Shaıylǵan kóz jasymen»
I. A. Krylov -----------------"Qyryq mysal" jınaǵy
I. I. Hemnıser ------------- "At pen esek"

2. 1. Jańa sabaq. Shyǵarmanyń máni men maqsatyn uǵyndyrý. Ádebı ertegi týraly túsinik berý. Ádebı ertegi – halyq ańyzynyń negizinde týǵan, avtory belgili shyǵarma.
«Balyqshy men balyq» vıdeojazylym arqyly kórsetildi;
mýltımedıalyq slaıdtar arqyly túsindirildi;
Kútiletin nátıje: A. Baıtursynovtyń aýdarmasy Pýshkınniń áńgimesi «Balyqshy men balyq» ertegisiniń mazmunymen tanystyrý.

2. 2. Mátinmen tanysý, maǵynalyq qurylymdyq taldaý.
(A. Baıtursynov úlgisimen)
Bastamasy ---------------- Balyqshynyń qarapaıym turmys keshýi
Usynbasy ----------------- Balyqshy shaldyń torǵa túsken altyn balyqty bosatýy
Mazmundamasy --------- Paryqsyz kempirdiń altyn balyqqa toıymsyz qolqasynyń oryndalýy
Qyzdyrmasy ------------- Sý patshasy bolýdy ańsaýy
Qorytpasy ---------------- Baıaǵy qalpyndaǵy astaý úıge oralýy
Kútiletin nátıje: shyǵarmanyń kompozısıalyq qurylysymen tanysý.

2. 3. Keıipker áreketterin taldaý
"T kestesi" boıynsha
Oqýshy jumysy
Kelisý sebepterim
Kempir - Jaqsy turmys súrýdi qalaıdy.
Shal - Altyn balyqty bosatty.
Kelispeý sebepterim
Kempir - Qanaǵatsyz, óte paryqsyz, baıyǵasyn shalyn da tanymaıdy.
Shal - Bir jaqsylyǵy úshin qaıta - qaıta balyqqa qolqa sala berdi, óz kempiriniń qatelikterine qarsy kelmeıdi.

Kútiletin nátıje: Oqýshylardyń synı kózqarasyn qalyptastyryp, ózindik pikirin dáleldeý baǵytynda shyǵarma keıipkerleriniń is - áreketterine qaraı ózindik taldaý jasaý (ár oqýshy óz betshelerine toltyrady)
2. 4. RAFT strategıasy boıynsha jumys
Tapsyrmanyń úlgisi:
ROL -------- AÝDITORIA ------- FORMA ------- TAQYRYP
Shal ---------- Kempirge ------------- hat ------------ túsinbeýshilik
-------------------------------------------------------------- túsinýshilik
Kútiletin nátıje: qanaǵatsyz, paryqsyz balyqshy kempiriniń shalyna, altyn balyqqa jasaǵan astamshylyǵyn, qıanatyn, óreskeldigin dáleldeı otyryp, qomaǵaılyqtan tartqan sazaıyn sıpattaý baǵytynda ózindik oı - tolǵanys jazý.
Oqýshy jumysy: Amansyń ba, kempir? Men saǵan osy renish hatymdy jaza otyryp, seniń qatelikterińdi aıtqym keledi. Otyz jyldan beri balyq aýlap kele jatyrǵan meniń toryma altyn balyq iligip, basym bir pálege qaldy emes pe? Qartaıǵanda kúnáHar bolmaıynshy dep, ony bosatyp jibergenimdi de saǵan bekerge aıtqanmyn. Bir seniń birneshe tapsyrmańdy oryndatamyn dep men altyn balyqqa qansha bardym... Qazir oılasam, tipti uıat! Al sen altyn balyqtyń bar jaqsylyǵyn qanaǵat tutpaı, astamshylyq jasadyń. «Kóp asqanǵa - bir tosqyn»- degen sóz tegin aıtylmaǵan ǵoı. Sol astaýda tynysh ómir súrsek bolǵany da... Sálemmen Balyqshy shalyń.

3. Oı - tolǵanys
"Sońǵy sózdi maǵan qaldyr".
Berilgen maqal - mátelder ------------------------------------------------ Maqal - mátelderge meniń pikirim
Qanaǵatsyzdyń kózi úlken
Aqylsyzdyń sózi úlken.
Qanaǵatsyz jan - pilge oqtalǵan jylan
Toqal eshki múıiz suraımyn dep qulaǵynan aıyrylypty
Toısań tobańnan jańylma
Er azyǵy - qanaǵat
Kútiletin nátıje: Oqýshylar berilgen maqal - mátelderdegi qanaǵatsyzdyq qasıet týraly ózińdik pikirlerin jazyp, ortaqtasady.
3. 1. Sabaq avtor oryndyǵy boıynsha qorytyndylandy. Avtor oryndyǵyna osy sabaqtaǵy bilim daǵdylaryn tolyq meńgergen oqýshy ǵana otyra alady. Bul ádistiń tıimdiligi:
1. Sabaqta ótilgen materıaldar qorytyndylanady.
2. Suraq - jaýaptar arqyly bilim bekitiledi.
3. Oqýshylar mazmundy suraq qoıýǵa daǵdylanady.
4. Avtor oryndyǵyna otyrýǵa tyrysady.
Muǵalim qorytyndysy.
4. Baǵalaý (muǵalimniń qalaýynsha)
5. Úı tapsyrmasyn berý.