InfoHub Logo

Mamandyǵym – maqtanyshym
Kez­kelgen adam balasy es bilgeli óziniń taǵdyryn kaı mamandyqpen baılanystyrýy jaıly oılanady. Mamandyqty tańdaý úshin, adam eń aldymen ózin, óz beıimdiligin tanýy qajet. Óz - ózine «Men kimmin?», «Osy ómirdegi meniń ornym qandaı?», «Qalaı ómir súremin?» degen suraq qoımaıtyn adam kem de kem. Mamandyq - qarapaıym ómir súrý kózi bolyp tabylatyn jáne qandaı da bir daıyndyqty, jaýapkershilikti talap etetin eńbek qyzmetiniń mańyzdy bóligi.
Mamandyq tańdaý - taǵdyryńdy tańdaý degen sóz. Keıingi ómirde ókinbeıtindeı, óz qabileti men beıimdiligine saı kásip túrin tańdaý. Bul adam ómirindegi óte jaýapkershilikti jáne mańyzdy is.
Bireýler úshin – mamandyq oılaǵan arman men qalaýdyń oryndalýy sondaı - aq otbasy dástúrin jalǵastyrý bolsa, al, kelesi bireýler úshin – jańalyqqa, bilim shyńyndaǵy derbestikke talpynys, al endi úshinshi bireýler úshin áıteýir bir mamandyq ıesi ataný úshin tańdalǵan burys baǵyttyń nátıjesi bolyp jatady. Osyndaı qatelikterdi jibermeý maqsatynda ózińniń múmkindikterińmen qyzyǵýshylyqtaryńdy esepke ala otyryp tańdalýy qajet. Mamandyq tańdaý jaıly uly ǵulama ǵalymdarymyz da oılaryn dóp basyp aıtyp ketken. Júsipbek Aımaýytov: «Mamandyqtyń jamany joq, biraq, munyń kez kelgenine ıkemdilik qajet, bul jaı kúneltý, tamaq asyraýdyń ǵana joly emes, úlken ónerdi, zor sheberlikti qajet etetin nárse» deıdi. Al Abaı atamyzdyń sózimen aıtar bolsam: «Nege arnalsań, sony iste» dep, qashanda adam ómirden ornyn óz tańdaýymen tapqan jón.
Men ómirimde mamandyq tańdaýdan shatasqan jandardyń qataryna jatamyn. «Ekonomıka» mamandyǵy menyń eńbek taǵdyrym dep oılap, 2 jylymdy bosqa ketirdim. Biraq adamdar qatelikter arqyly ózin ári damytady demekshi, men de ál - Farabı atyndaǵy Qazaq Ulttyq Ýnıversıtetiniń, Fılosofıa jáne saıasattaný fakúlteti, Áleýmettaný jáne áleýmettik jumys kafedrasynyń onyń ishinde Áleýmettik jumys mamandyǵynyń stýdenti bolyp, bul joly mamandyq tańdaýda qatelespegenimdi túsindim. Bul qyzmet túri eldiń negizgi tiregi ­ qarapaıym halyqqa áltrýızmdik qyzmetti alǵa tartatyn, qaıyrymdylyq pen janashyrlyqtyń negizin qalaıtyn mamandyq bolyp tabylady.
Áleýmettik jumys - jeke adamdardyń áleýmettik máselelerin, eń aldymen áleýmettik jábir shekken jeke tulǵalar men koǵamdyq toptardyń áleýmettik máselelerin sheshýge, azamattardyń áleýmettik kepildigi bar quqyqtary men qajettilikterin qamtamasyz etýge, áleýmettik qyzmetin atqarý qabiletin qalpyna keltirýge nemese kóterýge qolaılyq týǵyzatyn jaǵdaılar jasaýǵa baǵyttalǵan kásiptik is - árekettiń erekshe túri. Áleýmettik jumys – múmkindigi shekteýli jandarǵa túrli kómek jıyntyǵyn kórsetetin qyzmet túri.
Qazaqstan Respýblıkasynda «Áleýmettik jumys» endi gúldenip kele jatqan mamandyq túri bolyp tabylatyndyqtan elge engizer jańalyqtar óte kóp. Shet elderde áleýmettik qyzmetkerler óte joǵary statýsqa ıe, jáne múmkindikteri men qyzmet túriniń kóptúrliligimen erekshelenedi.
«Áleýmettik qyzmetker qandaı ortalyqtarda qyzmet atqarýǵa bolady?!» Búgingi kúnde áleýmettik qyzmetkerler Halyqqa Qyzmet Kórsetý Ortalyqtarynda (HQKO); túrli baǵyttaǵy ońaltý ortalyqtary men daǵdarystyq ortalyqtarda; Halyqty jumyspen qamtý salasynda; aýrýhanalar men emdik - profılaktıkalyq saýyqtyrý mekemelerinde; halyqty zeınetaqymen qamtamasyz etý ortalyqtarynda jáne jastarmen, egde jastaǵy azamattarmen, kópbalaly nemese kómekti qajet etýshi otbasylarmen tikeleı jumys jasaıtyn, kómek beretin jáne t. b. memlekettik mekemelerde jumys atqarýǵa múmkinshilikteri bar. Áleýmettaný jáne áleýmettik jumys kafedarasynyń ujymy kásiptik biliktiligimen, óz kásibine jáne ýnıversıtetine jan - tánimen berilgen, ár stýdenttiń bilim sapasyna mán berip qana qoımaı aqyl keńesin árqashan aıamaıtyn, jaýapkershiligimen erekshelenetin, oqytýshylar ujymy halyqaralyq bilim berý tehnologıasyn jetik meńgergen. Búginde kafedra bitirýshi túlekteri úshin Reseı Fedarasıasy (Ýralskıı Federalnyı Ýnıversıtet ımenı pervogo Prezıdenta Rosıı B. N. Elsına, Belgorodskıı gosýdarstvennyı nasıonalnyı ıssledovatelskıı ýnıversıtet) negizinde qosdıplomdyq baǵdarlama jumys jasaıdy.
Túlekterge aıtarym, áleýmettik jumys mamandyǵyn tańdaý arqyly shet eldegi praktıkada qoldanylyp júrgen kóptegen qyzmet túrlerin óz elimizde qaıta jańǵyrtý arqyly kóptegen jańalyqtarǵa qol jetkizý arqyly mamandyqtyń professıonaldy mamany bolýǵa shaqyramyn!