InfoHub Logo

Bilim berý salasy: Qatynas áleýmettik sala.
Taqyryby: Mamandyqtar
Bilim berý bólimi: Qorshaǵan dúnıemen tanystyrý.
Basqa bilim salasymen baılanysy: Ózin - ózi taný, án sabaǵy, matematıka, sahnalaý.
Kórnekiligi: Kitap, plakat, slaıd, mamandyqtar kıimi, ák, kómir, shashtaraz quraldary, pisken as, sút.
Sabaq: Kiriktirilgen sabaq
Sózdik jumys: munaı, taskómir, ák.
Maqsaty:
1. Adamdardyń ártúrli mamandyqtary týraly túsinigin qalyptastyrý.
2. Balalardyń munaıshy, shahter, qurylysshy mamandyqtar týraly túsinigin qalyptastyrý. Paıdaly qazba baılyqtary jáne olardyń alyný joldary, olardan ne jasalatyny jaıly túsindirý.
3. Janar - jaǵarmaı turǵan jerde qaýipsizdik erejelerin saqtaýǵa úıretý.

Shattyq sheńberi:
Úlkenge de siz, kishige de siz,
Barshańyzǵa qurmetpen, bas ıemiz biz.
Júrekti biz ashaıyq,
Baqyt nuryn shashaıyq.
Barlyq jaqsy tilekti,
Sizderge biz arnaıyq.

Tárbıeshi: Meniń qolymnan neni kórip tursyńdar?
Balalar: Júrek

Tárbıeshi: Men osy júrekti senderge beremin, sender osy júrek arqyly óskende kim bolǵylaryń keletinin aıtyp berińder.
Balalar: Men ánshi bolǵym keledi,
Men muǵalim bolǵym keledi.
Men bıshi bolǵym keledi,
Men dáriger bolǵym keledi.
Men órt sóndirýshi bolǵym keledi,
Men zańger bolǵym keledi.
Men tiginshi bolamyn,
Men satýshy bolǵym keledi.
Men polısıa bolǵym keledi,
Men aspazshy bolǵym keledi.
Men teńizshi bolǵym keledi,
Men saýynshy bolǵym keledi.
Men shashtarazshy boǵym keledi,
Men baltashy bolǵym keledi.
Men shekarashy bolǵym keledi,
Men sýretshi bolǵym keledi.
Men hat tasýshy bolǵym keledi,
Men jol polısıasy bolǵym keledi.
Tárbıeshi: Rahmet balalar otyra qoıyńdar.

Tárbıeshi: Taqtaǵa qarańdarshy, myna sýretten ne kórip tursyńdar?
Bulardyń barlyǵy mamandyqtar dep atalady. (Slaıd arqyly da tanystyrý)
Qazir biz mamandyqtar álemine saıahatqa baramyz.
(Jumbaq jasyramyn)
Mynaý qandaı ádemi úı,
Terezesi dóńgelek.
Aıaǵynda rezeńke,
Júredi ol benzınmen (avtobýs)

- Balalar biz saıahatqa avtobýspen baramyz. Avtobýsqa otyrý úshin joldyń kelesi betine ótý kerek, jol polısıasy kelip jaıaý júrginshiler júretin jolaqty kórsetedi. Toqta aldymyzda ne tur? (baǵdarsham)

Karına: Bas kóshede qyraǵy,
Úsh kózdi dáý turady.
Ashsa kezek úsh kózin,
Aıtty dep bil úsh sózin.
Toqta,
Saqtan.
Jol ashyq,
Júrme jolǵa talasyp.
Qyzyl kózin ashqanda,
Sabyr saqta baspa alǵa.
Sary kózin ashqanda,
Qarap qalma aspanǵa.
Jasyl kózin ashqanda,
Júre bergin jasqanba.

Birinshi aıaldama – «Munaıshy aıaldamasy»
Arnur: Biz munaıshy mamanbyz,
Baılyǵyna el alańbyz.
Jerge burǵy salamyz,
Munaı kózin tabamyz.

Tárbıeshi: - Balalar munaıdan janar - jaǵarmaı alynady. Meniń qolymda janarmaıdyń túrleri Aı – 92, Aı – 96, Aı – 80 mashınaǵa quıylady.
Munaıdan parafın alynady (balaýyz sham) elektr jaryǵy joq kezde paıdalanamyz. Ony durys paıdalanbasaq órt shyǵý qaýpi týyp qorshaǵan ortaǵa zıan keltirýi múmkin. Sol sebepti saqtyq erejelerin saqtaý qajet.

Ekinshi aıaldama – «Shahter aıaldamasy»
Tamerlan Ǵalymda, shahterde bas ıetin,
Ustazym bar seniń qasıetiń.
Bilim bergen oı bergen sana bergen,
Kóz aldymnan ketpeıdi - aý seniń beıneń.

Tárbıeshi: - Meniń qolymda taskómir ony shahterler jerdiń astynan qazyp alady. Qaraǵandy qalasy taskómirdiń ortalyǵy. Kómirdi biz úıdi jylytý úshin paıdalanamyz.

Úshinshi aıaldama – «Qurylysshy aıaldamasy»
Asylaı: Qolda temir qalaǵym,
Sazdan saraı salamyn.
Almatydan aýmaıtyn,
Ásem qala salamyn.