InfoHub Logo

Qazaq ádebıeti 7 - synyp
Sabaqtyń taqyryby: Ǵabıt Músirepov «Ananyń anasy»

Sabaqtyń maqsaty:
A) Bilimdilik: avtor týraly málimet berý, áńgimeniń mazmunymen tanystyrý, jazýshynyń anaǵa degen súıispenshiligin oqýshy sezimimen ushtastyrý; qazaq eliniń ótken tarıhyna, turmys - tirshiligine nazaryn aýdartý

Á) Tárbıelik: oqýshylardy anany qurmetteı bilýge, meıirimdilikke, syılastyqqa tárbıeleý, dúnıedegi jaqsylyq ataýlynyń bári kúnniń nurynan, ananyń meıiriminen taraıtynyn uǵyndyrý.

B) Damytýshylyq: ádebı til normasyn meńgergen, shyǵarmadan alǵan áserlerin búgingi ómirmen salystyra alatyn, logıkalyq oılaý qabileti qalyptasqan, jan – jaqty damyǵan jeke tulǵa damytý
Sabaqtyń kórnekiligi: Interbelsendi taqtadan kórsetiletin slaıdtar, jazýshy portreti, shyǵarmalary.
Sabaqtyń ádisi: baıandaý, satylaı keshendi taldaý, toptastyrý
Sabaqtyń túri: jańa maǵynany taný

Sabaqtyń ótý barysy:
İ. Uıymdastyrý: a) Sálemdesý
á) Oqý - quraldaryn tekserý
b) Baǵalaý paraǵyn úlestirý

İİ. Sabaqtyń jarnamasy:
Kim senderdi, balalar, súıetuǵyn,
Qýanyshyńa qýanyp, qaıǵyńa kúıetuǵyn?
Tún uıqysyn tórt bólip, kirpik qaqpaı,
Shesheń baıǵus damylsyz júretuǵyn.

Kim senderdi, balalar, terbetetin,
Erkeletip, oınatyp, sergitetin?
Jalqaý bolsań, balalar, jaman bolsań,
Qamqor anań kóz jasyn kóldetetin.

Kim senderdi saǵynar shetke ketseń,
Ǵylym izdep, tez qaıtpaı, kópke ketseń?
Betin jýǵan jasymen sorly anańa
Hat jazyp tur, tóbesi kókke jetsin.

M. Dýlatuly «Shesheniń balalaryn súıýi»

İİİ. Jańa sabaq:
1. Molda oqýy
2. Áıtiles áńgimesi:
A) Joryq
Á) Kezdesken qyz
B) Ana aılasy

İÚ. Satylaı keshendi taldaý
«Ananyń anasy»áńgimesi
1. Avtory - Ǵabıt Músirepov dramatýrg, jazýshy, akademık, qoǵam qaıratkeri
áńgimeleri «Qos Shalqar», «Talpaq tanaý», «Japon balladasy», «Ashynǵan ana», «Er ana», «Aqlıma», «Ananyń arashasy», «Ólimdi jeńgen ana»
Romandary: «Qazaq soldaty», «Oıanǵan ólke», «Kezdespeı ketken bir beıne»

2. Taqyryby - Ananyń balasyna degen uly mahabbaty
3. Epıkalyq janr túri - áńgime

4. Negizgi ıdeıasy - tún uıqysyn tórt bólip ósirgen anany qurmetteý, syılaý
5. Shyǵarmanyń kompozısıalyq qurylysy
5. 1. Shyǵarmanyń ekspozısásy (daıyndyǵy)- molda oqýy
5. 2. Sújettik baılanys - qalyń jylqy, urlanǵan qyz
5. 3. Shıelenisýi – jylqyshynyń mert bolýy, qýyp kelgen qyz anasy
5. 4. Sharyqtaý shegi - Ana sózi
5. 5. Sheshimi - Ana men qyzyna berilgen bostandyq

6. Keıipkerler beınesi
6. 1. Jaǵymdy -
6. 2. Jaǵymsyz -

7. Ádebı teorıalyq uǵymdar
Teńeý: etekteı saqal, kúmisten quıǵandaı aq saqal, quıǵan peshteı, urshyqtaı oınap, bókendeı búktetilip
Epıtet: shalqyǵan shańqaı tús, jalba - julba teri ton, saǵal - saǵal teri shubyrǵan, nadan moldadan, tórt buryshy jemirilgen eski toqym sıaqty
Turaqty sóz tirkesi: kózdi ashyp - jumǵansha, terimizge syımaı, qabaǵymyzdan qar jaýyp, qanattyǵa qaqtyrmaı, tumsyqtyǵa shoqyttyrmaı
Dısfemızm: qyzy qatynǵa, qazaqtyń qatyny

Ú. Bes joldy óleń
1. Zat esim (bir sóz ) - Ana
2. Syn esim(eki sóz)- meıirimdi, qamqor
3. Etistik(úsh sóz)- mápeleıdi, ósiredi, tárbıeleıdi
4. Ústeý (tórt sóz)- shyryldap jerge túsken kezde
5. Túıin sóz(bes sóz)- Ana aqylshyń, ustazyń, dosyń, qamqorshyń
Vİ. Toptastyrý
ANA
↓
Qaıratty, sheshen, qaısar, aqyldy, ashynǵan, qaıǵyly, sergeldeńde

Úİİ. Qorytyndylaý
«Qurmetteıik, kótereıik te áıeldi! Ana áıeldi qurmetteıik! Onyń súıýi taýsyla ma, búkil dúnıe sonyń emshegin emip, er jetken emes pe? Adamda ne qasıet bolsa, bári kúnniń kózi men ananyń sútinen alynǵan qasıet. Ananyń qurmeti áli jetken joq! Maqtasaq áıeldi maqtaıyq ta, qurmetteıik te áıeldi. Áıel ana, barlyq qıyndyqty jeńetin sarqylmaıtyn kúsh, kózdi bulaq emes pe!»- degen jazýshynyń óz sózimen sabaqty aıaqtaımyn.

Úİİİ. Úıge tapsyrma:
Ǵ. Músirepovtiń ana taqyrybyndaǵy basqa áńgimelerin oqyp kelý
İH. Baǵalaý.
Baǵalaý paraǵy arqyly