InfoHub Logo

Bilim salasy: Qatynas
Bilim bólimi: Kórkem ádebıet
Taqyryby: «Mamandyqtyń bári jaqsy»
Maqsaty: Balalarǵa mamandyqtar týraly túsinik berý. Ár mamandyqtyń óziniń qyzyǵy men qıyndyǵy bolatynyn túsindirý. Bolashaqta mamandyq tańdaýǵa yqpal etý.
Kórnekiligi: slaıd, mamandar kıim úlgileri.
Ádis - tásil: Slaıd kórsetý, túsindirý, suraq - jaýap, oıyn.

Sabaqtyń barysy:
- Balalar búgin bizde erekshe kún, tobymyzǵa kóptegen qonaqtar kelip otyr, qonaqtarmen amandasady.
Jylýlyq sheńberi: «Tilek shoǵy» dep atalady.(ár qaısysynda bir tal gúl) bir - birine jaqsy tilekter aıtady.
- Ár kúniń qýanyshqa toly bolsyn,
- Saǵan densaýlyq tileımin.
- Aspanymyz ashyq bolsyn
- Ata - anań aman bolsyn
- Balabaqshamyz kórkeıe bersin.
- Denimiz saý bolsyn.
- Balalar qarańdarshy senderdiń gúl shoqtaryń úlken tilek shoqtaryna aınaldy.
- Minekı ózgege densaýlyq tilep, jaqsylyq jasasań ózińe qaıtyp oralady.
- Balalar osy jaqsy kóńil kúımen oqý is - áreketimizdi bastaımyz.

Mamandyqtyń túrleri kóp: Dáriger, muǵalim, ushqysh, tárbıeshi, qurylysshy, shashtaraz,, júrgizýshi, aspaz, ánshi, bıshi, jýrnalıs, t. b kóptegen mamandyqtar bar. Mamandyqtyń jamany joq, tek ony durys tańdaı bilý kerek. Qalaǵan mamandyqtyń ıesi bolý úshin eńbeksúıgishtik pen bilimdilik qajet, úlken óner men zor sheberlikti qajet etedi.
Slaıd kórsetý, áńgimeleý, balalardan suraý túsinik berý.
Shashtaraz - bul mamandyq ıesi adamdardyń shashyn qıyp sánin keltiredi.
Dáriger - aq qalatty abzal jan, adam balasynyń arashasy emdeıdi shıpasyn tıgizedi.
Muǵalim - árip úıretip, bilim nárimen sýsyndatatyn abzal adam.
Aspazshy - dámdi taǵam pisiretin(maman ıesi).
Júrgizýshi - baratyn jerińe tez jetkizip salatyn, adamǵa qamqor bolatyn jan.
Qurylysshy - záýlim ǵımarattar, qabat - qabat úıler salatyn maman ıesi.

Mine mamandyq ıesiniń ózindik ereksheligi, ár mamannyń ózine tıesili jumystarymen sheberlikterimen erekshelenedi.
Slaıdtan mamandyq ıelerin kórsetý arqyly balalardan suraq - jaýap jumysy.

Sergitý sáti: Balalar baqshaǵa keledi,
Tárbıeshi olarǵa qýandy.
Aspazshy dámdi etip taǵam pisirdi.
Al eger jótele qalsaq
Dáriger emdem jazady.

Mamandyq ıelerine arnalǵan balalar taqpaqtary.
1 - bala. Qolda temir qalaǵym.
Sazdan saraı salamyn
Astanadan aýmaıtyn
Ásem qala salamyn.

2 - bala. Otannyń ulanyn
Baýlaǵan muǵalim
Ózińsiń aǵytqan
Bilimniń bulaǵyn.

3 - bala. Tis aýyrsa
İsh aýyrsa
Anam dári beredi
Barlyq adam
Barlyq bala
Ony jaqsy kóredi.

4 - bala. Emes onyń jáı isi.
Qolda taraq, qaıshysy
Apamnyń bes saýsaǵy
Shashty qyrqyp taýysady.

5 - bala. Birde qyrǵa shabady.
Birde taýǵa shabady.
Aǵam damyl tappaıdy.
Qashan demin alady.

Oılaý qabiletin damytýǵa baılanysty oıyn: «Mamandyq quralyn tap» Balalar sýrettegi mamandyq ıesine tıesili quralyn qaryndashpen syzý arqyly tabady.
Sújetti roldi oıyn: «Dáriger» Oıyn barysynda balalar bir - birimen qarym - qatynasty nyǵaıtý barysynda sypaıylyqty, ınabattylyqty, adamgershilik sezimderi oıanady.
Kútiletin nátıje: Bilýi kerek: Mamandyqtar týraly tolyq túsinik alýy, mamandyqtyń eńbek ekendigin, eńbek etý arqyly halyqqa paıda keletinin bilýi kerek.
Bolýy kerek: Mamandyqty tańdaı bilýi, oǵan degen súıispenshiligi bolýy kerek.

Qortyndy: Balalar biz búgin mamandyqtar týraly tolyq maǵlumat aldyq onyń eńbek ekendigin bildik. rolderge bólinip dárigerdiń jaqsy maman ekendigin oıyn arqyly kórsete otyryp sender ózderiń eńbek jasadyńdar, minekeı qandaı eńbek bolsyn báriniń óz mamandyǵy bolady.