InfoHub Logo

Biz táýelsizdikpen birge tilimizdi túlettik, dinimizdi órkendettik, tamyrymyzdy jalǵap, salt-dástúrimizdi jańǵyrttyq.

Qasym-Jomart Toqaev Kemeluly

Qazaqstan memleketi – meniń Otanym, týǵan jerim, alǵash kindik qanym tamǵan asyl ólke. Árbir adam úshin eń asyl qazynasy - týǵan jeri, oǵan degen bıik mahabbaty. Meniń Otanym Táýelsizdigin alǵan, damyǵan elý eldiń qataryndaǵy tuǵyry bıik el.

Bul táýelsizdik ońaı kelgen joq. Táýelsizdigimiz XV ǵasyrda Kereı men Jánibek bastaǵan qaısar da, rýhty halyqtyń keń baıtaq dalasynda  Qazaq handyǵynyń irgetasyn qalaýdan bastaldy. Qazaq halqyn quryp ketý qaýpinen saqtap qalǵan, jerin jaýǵa bermeı ulan baıtaq ólkesin qazaq eline máńgi qonystandyrý maqsatynda jarǵaq qulaǵy jastyqqa tımeı, elim dep eńirep ótken has batyrlar qanshama deseńizshi! Men eki ret asharshylyqtan, Uly Otan soǵysynan, bodandyqtan aman shyǵyp, bıik aspan kóginde qyrandaı samǵaǵan Qazaqstanymmen maqtanamyn!
Myna altyn kúni alaýlaǵan zeńgir aspannyń aıasynda baıaý qalyqtaǵan dala búrkiti qazaqtyń darqan, bitimshil, beıbit kóńilin shyrqaý bıikke alyp shyqqandaı.

Hosh, elimizdiń táýelsizdik alǵaly jetken jetistikterimiz ben qol jetkizgen tabystarymyzǵa kóz jibertip kóreıikshi. Táýelsizdikke qol jetkizgen sátten bastap, óz elin jarqyn bolashaqqa jetelgen alǵashqy kóshbasshymyz N. Nazarbaevtyń, tuǵyrly eldiń tutqasyn qısaıtpaǵan qazirgi basshymyz Qasym-Jomart Kemeluly Toqaevtyń eńbekteri eren.

Biz 1992 jyldan bastap eń yqpaldy, bedeldi uıym BUU-ǵa múshe boldyq. 2011-de "Azıada-2011" sporttyq oıyndaryn, 2017-de álemdik bedelimizdi odan ári bir satyǵa joǵarylatqan "Expo-2017"  kórmesin ótkizdik. Damýshy elý eldiń qataryndamyz. Az ǵana ýaqyt ishindegi jetken jetistikterimiz munymen bitpek emes.

Qazaqstan – meniń Otanym, men úshin jaýapty ekeni sıaqty men de ol úshin jaýaptymyn. Ustazdarymyz aıtqandaı, adamgershiligi mol, tárbıeli adam – kez-kelgen memlekettiń baılyǵy, áleýmettik ómirdegi beıbitshilik pen mádenıettiń kepili. Ulttyń joǵalmaýy uly urpaqtyń ǵana qolynan keletinin anyq bilemiz.

Qorytyndylaı kele, taǵylymy mol tarıhymyzben, uly tálimimizben biz aldaǵy asýlardy alqynbaı asatynymyzǵa senimim mol. Men "XXI – ǵasyr Qazaqstannyń "altyn ǵasyr" bolaryna, máńgilik el bolý jolyndaǵy uly isterimiz ben  aldaǵy dáýirlerimizge jol ashylaryna senemin. Qazaqtyń máńgilik ǵumyry bizdiń máńgilik bolashaǵymyzdy baıandy etýge arnalady. Táýelsizdik týyn qulatpaı bekem ustap, ulan-ǵaıyr jerimizge ıelik etý, qaısar ata-baba jolyn ustaý – namysty, jigerli, bilimdi jastardyń qoldyna! Máńgilik jasa, qyran elim, Qazaqstanym!

Qurbanbaeva Farıza Nurbolatqyzy

---